TƏRKİBİ
Təsiredici maddə : bir tabletin tərkibində 16 mq Betahistin dihidroxlorid vardır.Köməkçi maddələr: laktoza monohidrat , qarğıdalı nişastası, mikrokristallik selluloza , susuz limon turşusu,povidon, metanol, təmizlənmiş su, hidrogenləşdirilmiş bitki yağı .
FARMAKOTERAPEVTİK QRUPU
Labirintin mikrosirkulyasiyasını yaxşılaşdıran preparat
Farmakoloji xüsusiyyətləri Betahistin histaminin sintetik analoqudur. Histaminəbənzər təsirə malikdir. H1-histamin reseptorlarının zəif aqonisti, H3- histamin reseptorlarının isə güclü antaqonistidir. Prekapillyar genişlənməyə səbəb olub, adətən labirintin mikrosirkulyasiyasını yaxşılaşdırır.Həmçinin betahistin labirint və qulaq ilbizində endolimfal təzyi-qi tənzimləyir. Bunun nəticəsində müxtəlif etiologiyalı başgicəllənmə ilə gedən xəstəliklərin mualicəsində klinik effekt verir. Dozadan asılı olaraq medial və lateral vestibulyar nüvələri normallaşdırır. Başgicəllən-mələrin intensivliyini və müddətini azaldır, qulaqlarda küyü azaltmaqla eşitməni yaxşılaşdırır.Bronxların və mədə-bağırsaq traktının saya əzələlərinin tonusunu yüksəldir. Mədə şirəsinin sekresiyasını artırma qabiliyyə-tinə malikdir.
Farmakokinetikası
Daxilə qəbuldan sonra mədə-bağırsaq traktından tam və tez absorbsiya olunur. Plazma zülalları ilə birləşməsi çox aşağıdır (5%) . Qanda maksimal konsentrasiyası ( C max) acqarına dərman qəbulundan sonra mümkün olur . Qaraciyərdə metabolizə olunur . Qeyri-aktiv metaboliti piridul sirkə turşusu və dimetil betahstindir. Metabolitlər böyrəklər vasitəsilə orqanizmdən xaric olur. Preparat xəstələr tərəfindən yaxşı qəbul olunur . Sedativ effektə malik deyil ,uzunmüddətli istifadəsi mümkündür . Hətta yaşlılarda müsbət effekt almaq mümkündür.
İSTİFADƏSİNƏ GÖSTƏRİŞLƏR
- Menyer sindromu və xəstəliyi .
- Başgicəllənmələrlə gedən xoşxassəli xəstəliklər.
- Vestibulyar aparat və labirint pozğunluqları
- Qulaqlarda küy zamanı eşitmənin zəifləməsi
- Baş beyin damarlarının aterosklerozu və posttravmatik ensefalopatiyanın kompleks müalicəsində geniş istifadə olunur.
ƏKS GÖSTƏRİŞLƏR
Hamiləlik , əsasəndə hamiləliyin I trimestri , 16 yaşa qədər uşaqlar , preparatın hər hansısa komponentinə qarşı yüksək həssaslıq.Feoxromositoma ,mədə və 12 barmaq bağırsağın xora xəstəliyi kəskinləşmə fazası. Bronxial astma.
XÜSUSİ GÖSTƏRİŞLƏR
- Tərkibində laktoza monohidrat olduğu üçün , qalaktozaya dözümsüzlük, qlükoza-qalaktoza malabsorb-siyası kimi nadir irsi xəstəlikləri olan pasiyentlərdə bu preparat istifadə edilməməlidir.
- Anamnezində mədə və yaxud 12- barmaq bağirsağın xora xəstəliyi olan xəstələrdə ehtiyatla istifadə edilməlidir.
- Bəzi hallarda terapevtik effekt müalicəyə başladıqdan bir neçə ay sonra baş verə bilər.
Digər dərman vasitələri ilə qarşılıqlı təsiri
Əgər Vertimed digər antihistamin preparatlar ilə birlikdə qəbul edilərsə, bu zaman prepatratın effekti zəifləyir.
Hamiləlik və laktasiya dövründə istifadəsi
Hamiləliyin I trimestrində preparatın qəbulu arzuolunmazdır. II və III trimestrdə ana üçün daha vacib olarsa həkim nəzarəti altında təyin oluna bilər.
İstifadə qaydası və dozası
Daxilə qəbul edilir.Böyüklər üçün sutkalıq doza 24-48 mq təşkil edir.1/2 – 1 tabletdən gündə 3 dəfə .Müalicə uzunmüddətlidir və bir aydan bir neçə ayadək davam edir.
Diqqət:Preparat yalnız həkim nəzarəti altında qəbul olunmalıdır.
Əlavə təsirləriPreparatın qəbulundan sonra xəstələrdə mədə pozğunluqları mümkündür. Nadir hallarda isə allergiyalar , dəri qaşınmaları ,səpgilər,övrə baş verə bilər.Laktasiya dövründə ana üçün faydası və körpə üçün risk ehtimalı müəyyənləşdiriləndən sonra istifadə edilə bilər (ana südü ilə ekskresiyası məlum deyil).
Doza həddinin aşılması
Tövsiyə olunan doza həddi aşılarsa, bu zaman həkim nəzarəti altında doza korreksiya olunmalıdır. Bu zaman xəstələrdə başgicəllənmə, ürəkbulanma , qusma , AT-nin aşağı düşməsi ,taxikardiya, dərinin hiperemiyası, bronxospazm müşahidə olunur.
Buraxılış forması
10 tablet, blisterdə. 3 blister (30 tablet) içlik vərəqə ilə birlikdə karton qutuya qablaşdırılır.
Saxlanma şəraiti
15-25 ° C temperaturda və uşaqların əli çatmayan yerdə saxlamaq lazımdır.