0

TƏRKİBİ

Təsiredici maddə: hər 1 örtüklü tabletin tərkibində, 10 mq, və ya 20 mq rosuvastatinə ekvivalent rosuvastatin – kalsium vardır.

Köməkçi maddələr: mikrokrstallik sellüloza, susuz koloidal silisium, krospovidon, maqnezium stearat, laktoza monohidrat.

örtüyünün tərkibi:

Hipromelloza, titan dioksid (E171), laktoza monohidrat, triasetin, qırmızı dəmir oksidi (E172) (10 mq, 20 mq -lıq formalarda).

 TƏSVİRİ

ORNAVASTIN 10 mq örtüklü tabletlər: Çəhrayı, dəyirmi, bikonveksli, bir tərəfinin üzərində “ROS” və “10” yazılmış, diametri 7 mm olan örtüklü tabletlər.

ORNAVASTIN 20 mq örtüklü tabletlər: Çəhrayı, dəyirmi, bikonveksli, bir tərəfinin üzərində “ROS” və “20” yazılmış, diametri 9 mm olan örtüklü tabletlər.

FARMAKOTERAPEVTİK QRUPU:

ORNAVASTIN statinlər qrupu dərman vasitəsinə  aiddir.

FARMAKOLOJİ XÜSUSİYYƏTLƏRİ

Farmakodinamikası

Rozuvastatin HMQ-KoA-reduktaza fermentinin selektiv və konkurent inhibitoru olub 3-hidroksi-3-metilqlutaril koferment  A-nı xolesterinin sələfi olan mevalon turşusuna çevirir. Rozuvastatinin əsas təsiri qaraciyərədir,hansı ki,  xolesterinin sintezi və ASLP-in (aşağı sıxlıqlı lipoproteinlər) katabolizmi burada həyata keçirilir. Rozuvastatin qaraciyər hüceyrəsi səthində ASLP reseptorlarının (APO- zülalları) sayını artırmaqla, ASLP-in mənimsənilməsini və  katabolizmini gücləndirərək ÇASLP (çox aşağı sıxlıqlı lipoproteinlər)-in sintezini inhibə edir, nəticədə  ÇASLP və ASLP ümumi miqdarını azaldır.

Farmakokinetikası

Rozuvastatinin qanda maksimal konsentrasiyası peroral qəbuldan 3-5 saat sonra müşahidə olunur. Cmax göstəriciləri dozaya mütənasib olaraq artır. Rozuvastatinin mütləq biomənimsə- nilməsi təxminən 20%-ə bərabərdir. Qida qəbulu dərman vasitəsinin göstəricilərinə təsir etmir.Orta paylanma həcmi təxminən 134Ltəşkil edir.Əsasən albuminlə (88%-ı) birləşir. Bu birləşmə geriyə dönəndir və qandakı konsentrasiyasından asılı deyil. Metabolizmə az uğrayır. Əsas metabolitləri N-dismetil- və lakton metabolitləridir. N-dismetil-metaboliti rozuvastatindən təxminən 50% aşağı aktivliyə malikdir, lakton-metabolitləri isə farmakoloji baxımdan qeyri-aktivdirlər.Rozuvastatin və metabolitləri 90%-i bağırsaq yolu ilə xaric olunur. Yarımatılma müddəti 19 saatdır.Qanda konsentrasiyası yaşlı (≥ 65 yaş) və cavan xəstələrdə fərqlənmir. Yüngül və orta dərəcəli böyrək çatışmazlığında (CLcr ≥ 30 ml/min/1,73 m2) rozuvastatinin qandakı konsentrasiyası dəyişmir. Buna baxmayaraq, hemodializdən asılı olmayan kəskin böyrək çatışmazlığı ilə (CLcr < 30 ml/min/1,73 m 2) xəstələrdə rozuvastatinin qandakı konsentrasiyası sağlam xəstələrlə (CLcr > 80 ml/min/1.73 m2 ) müqayisədə klinik əhəmiyyətli dərəcədə artır (3 dəfə). Qaraciyərin alkoqol xəstəliyi zamanı rozuvastatinin qandakı konsentrasiyası mülayim artır.

İSTIFADƏSİNƏ GÖSTƏRİŞLƏR.

ORNAVASTIN xolesterin səviyyəsini aşağı salmaq üçün böyüklərdə, yeniyetmə və 6 yaşdan yuxarı uşaqlarda istifadə olunur

  • Qanda xolesterinin səviyyəsinin yüksəlməsi (Miokard infarktı və insult riskini azaltmaq məqsədi ilə )
  • Ateroskleroz

Pəhriz saxlamaq və fiziki məşqlər hesabına xolesterinin səviyyəsini aşağı salmaq kifayət etmədiyi üçün  həkim sizə ORNAVASTIN etdiyi halda pəhriz saxlamaq və fiziki məşqlərə davam etməlisiniz.

Qanda müxtəlif xolesterinlər var – ‘pis’ xolesterin (ASL-X) və ‘yaxşı’ xolesterin(YSL-X).

ORNAVASTIN ‘pis’ xolesterini azaldır və ‘yaxşı’ xolesterini artırır. Bədəninizdə ‘pis’ xolesterinin sintezini tormozlayır. Bəzi insanlarda  yüksək xolesterin ilk vaxtlarda heç bir simptom yaratmır. Ancaq  vəziyyətdə uzun müddət belə davam etsə, damarların divarları daxilində xolesterinin çökməsinə və damar daxilinin daralmasına səbəb ola bilər. Damarların daralması qanın orqanlara çatmasının azalmasına səbəb ola bilər ki, bu sonradan miokard infarktı və insult riskini artırır. Xolesterinin səviyyəsini aşağı salmaqla infarkt, insult riskini azalda bilərsiniz. Xolesterinin səviyyəsini lazımi səviyyəyə çatdırmış olduğunuz halda ORNAVASTIN-in  qəbulunu davam  etməlisiniz.Çünki, ORNAVASTIN xolesterinin səviyyəsini yenidən artmasını və aterosklerozun  yaranmasının qarşısını alır. Ancaq həkiminiz ORNAVASTIN –in qəbulunun  dayandırma vaxtını sizə deyə bilər və ya hamilə qaldığınız təqdirdə qəbulu  dayandırmalısınız.

ƏKS GÖSTƏRİŞLƏR:

  • Rosuvastatinə və ya digər statinlərə qarşı yüksək həssaslıq.
  • Hamiləlik və laktasiya.
  • Ağır qaraciyər patologiyaları.
  • Ağır böyrək çatışmazlığı.
  • Təkrarlanan və ya səbəbi məlum olmayan əzələ ağrıları və ya sancıları varsa.
  • Əgər Siklosporin dərman preparatını qəbul edirsinizsə (orqan nəqlindən sonra istifadə olunur)
  • 6 yaşdan kiçik uşaqlar.

Yuxarıda sadalanan hallardan hər hansı biri sizdə varsa və ya olduğuna şübhəniz varsa, həkiminizi məlumatlandırın.

XÜSUSİ GÖSTƏRİŞLƏR VƏ EHTİYAT TƏDBİRLƏRİ

Əlavə olaraq  aşağıdakı hallarda ORNAVASTIN –i 40 mq (ən yüksək doza) qəbul etməyin:

  • Orta dərəcəli böyrək probleminiz varsa (şübhəniz varsa, həkiminizə söyləyin),
  • Qalxanabənzər vəzin çatışmazlığı varsa,
  • Təkrarlanan və ya mənşəyi məlum olmayan əzələ ağrıları və ya sancısı varsa (anamnezdə şəxsi və ya ailəvi əzələ problemləri və ya anamnezdə əvvəllər digər xolesterin azaldıcı dərmanlar qəbul etdiyiniz zaman yaranan əzələ problemləri varsa),
  • Davamlı olaraq və yüksək miqdarda alkoqol qəbul edirsinizsə,
  • Asiya mənşəlisinizsə (yapon, çinli, filippinli, vyetnamlı, koreyalı və hindli),
  • Xolesterininizi aşağı salmaq üçün fibratlar adlandırılan dərmanlar qəbul edirsinizsə,
  • Yaşınız 18-dən aşağıdırsa.

Yuxarıda sadalanan hallardan hər hansı biri sizdə varsa və ya olduğuna şübhəniz varsa,  həkiminizi məlumatlandırın.

ORNAVASTIN -i aşağıdakı hallarda ehtiyatla istifadə edin

  • Böyrək probleminiz varsa,
  • Qaraciyərinizdə problem varsa,
  • Anamnezdə təkrarlanan və mənşəyi məlum olmayan əzələ ağrıları və ya sancı, sizdə və ya ailənizdə əzələ problemləri və ya digər xolesterini aşağı salan preparatların qəbulu ilə əlaqədar əzələ problemləri baş vermişdirsə. Xüsusilə özünüzü pis hiss edirsinizsə və ya qızdırmanız varsa. Mənşəyi məlum olmayan əzələ ağrıları və ya sancısı hiss etsəniz, dərhal həkiminizə müraciət edin.
  • Davamlı olaraq və yüksək miqdarda alkoqol qəbul edirsinizsə,
  • Qalxanabənzər vəzin çatışmazlığı varsa,
  • Xolesterini aşağı salmaq üçün fibratlar adlandırılan preparatlar qəbul edirsinizsə, əvvəllər yüksək xolesterinə qarşı digər dərmanlar qəbul etmiş olsanız belə, bu içlik vərəqəsində dərmanın istifadəsinə dair təlimatı diqqətlə oxuyun.
  • HİV infeksiyasını müalicə etmək üçün istifadə olunan dərmanları qəbul edirsinizsə, (məsələn, lopinavir/atazanavir və ya simepevir və ya ritonavir ilə birlikdə) ORNAVASTIN- in digər dərman vasitələri ilə qarşılıqlı təsirinə baxın.
  • Son 7 gündə fuzidin turşusu adlı dərmanı preparatını qəbul edirsinizsə və ya qəbul etmisinizsə, ORNAVASTIN- və digər dərman vasitələri ilə qarşılıqlı təsirinə baxın.Fuzidin turşusu və ORNAVASTIN-in  bir yerdə istifadəsi ciddi əzələ problemlərinə (rabdomioliz) səbəb ola bilər.
  • Yaşınız 70 –dən yuxarıdırsa (həkimin sizə uyğun olması üçün ORNAVASTIN-in düzgün başlanğıc dozasını seçməsi lazımdır)
  • Əgər ciddi tənəffüs çatışmazlığı varsa.
  • Asiya mənşəlisinizsə (yapon, çinli, filippinli, vyetnamlı, koreyalı və hindli) həkimin sizə uyğun olması üçün ORNAVASTIN-in düzgün başlanğıc dozasını seçməsi lazımdır.Yuxarıda göstərilənlərdən biri sizdə varsa (və ya olub olmadığına əmin deyilsinizsə):
  • ORNAVASTIN-i  40 mq (ən yüksək doza) qəbul etməyin və ORNAVASTIN –ni qəbul etməzdən  əvvəl həkiminizlə və ya əczacınızla məsləhətləşin.

Az sayda insanlarda statinlər qaraciyərə təsir göstərir. Belə bir vəziyyətin yaranıb-yaranmadığını sadə qan analizi ilə (qaraciyər fermentlərinin səviyyəsi) müəyyən etmək olar. Bununla bağlı həkiminiz ORNAVASTIN qəbulundan əvvəl və qəbul zamanı qaraciyər funksiyalarının müayinə edilməsi üçün qan  analizini  yoxlayacaqdır.

Diabet xəstəliyiniz varsa və ya şəkərli diabet inkişaf riskiniz varsa bu dərmanı istifadə edərkən həkiminiz sizi yaxından izləyəcəkdir. Qanınızda şəkərin və xolesterinin  miqdarı yüksəkdirsə, yuxarı çəkilisinizsə və yüksək təzyiqiniz varsa şəkərli diabet inkişaf riski altındasınız.

Digər dərman vasitələri ilə qarşılıqlı təsiri

Hal hazırda qəbul etdiyiniz və ya  yaxın vaxtlarda qəbul etdiyiniz dərman preparatları haqda həkiminizi və ya əczacınızı məlumatlandırın.

Bu dərmanlardan hər hansı birini qəbul edirsinizsə, həkiminizi məlumatlandırın: siklosporin (orqan köçürülməsindən sonra istifadə olunur),varfarin və ya klopidogrel (və ya digər qanı

durulaşdıran dərman vasitələri), fibratlar (hemfibrozil, fenofibrat kimi) və ya xolesterini azaltmaq üçün istifadə olunan digər dərmanlar (məsələn, ezetimibe), həzmi yaxşılaşdıran dərmanlar (mədə turşuluğunu azaltmaq məqsədi ilə istifadə olunur), eritromisin,fuzidin turşusu ( antibiotik – xüsusi xəbərdarlıq və ehtiyyat tədbirlərinə baxın), oral kontraseptivlər, hormon əvəzedici terapiya və ya antiviral preparatlar, məsələn- lopinavir/atazanavir və ya simepevir və ya ritonavir ilə birlikdə (HİV və hepatit C infeksiyası daxil olmaqla virus infeksiyaların müalicəsində istifadə olunur).

ORNAVASTIN qəbulu bu preparatların təsirini dəyişdirə bilər və ya bu preparatların qəbulu ORNAVASTIN –in təsirini dəyişdirə bilər

Əgər bakterial infeksiyanı müalicə etmək fuzidin turşusu qəbul edirsinizsə,mütləq qəbulu  müvəqqəti dayandırmalısınız.Həkim ORNAVASTIN-in yenidən başlamasının nə vaxt təhlükəsiz olacağını sizə xəbər verəcəkdir. Fuzidin turşusu ilə ORNAVASTIN eyni zamanda qəbulu nadir hallarda əzələ zəifliyinə və  ya ağrıya səbəb ola bilər (rabdomioliz).

 HAMİLƏLİK VƏ LAKTASİYA DÖVRÜNDƏ İSTİFADƏSİ

Hamiləlik və ya südvermə zamanı  ORNAVASTIN qəbul etmək olmaz. ORNAVASTIN qəbul etdiyiniz müddətdə hamilə qalmısınızsa dərhal qəbul etməyi dayandırın və həkiminizi məlumatlandırın. ORNAVASTIN qəbul etdiyiniz müddətdə uyğun kontraseptiv vasitələrdən  istifadə edərək hamiləlikdən qorunmaq lazımdır. Hər hansı bir dərman vasitəsi istifadə etməzdən əvvəl həkiminizi və ya əczacınızı məlumatlandırın.

 Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Əksər insanlar ORNAVASTIN istifadə edərkən avtomobil və xüsusi diqqət tələb edən mexanizmləri  idarə edə bilər. ORNAVASTIN –in qəbulu onların idarə etmə qabiliyyətinə təsir göstərməyəcək. Bəzi insanlar ORNAVASTIN ilə müalicə zamanı başgicəllənmə hiss edə bilər. Əgər başgicəllənmə hiss edirsinizsə, avtomobil və xüsusi diqqət tələb edən mexanizmləri  idarə etmədən qabaq  həkiminizi məlumatlandirin.

İSTİFADƏ QAYDASI VƏ DOZASI

ORNAVASTIN-i hər zaman həkiminizin tövsiyə etdiyi kimi qəbul edin. Əmin deyilsinizsə, həkiminizdən və ya əczaçınızdan soruşun.

Böyüklərdə tövsiyə olunan doza:Yüksək xolesterin səviyyəsini aşağı salmaq üçün ORNAVASTIN qəbul edirsinizsə:

– Başlanğıc doza:

ORNAVASTIN ilə müalicə, hətta əvvəllər fərqli bir statinin daha yüksək dozasını almış olsanız belə 5 mq və ya 10 mq dozadan başlanılmalıdır. Başlanğıc dozanın seçimi aşağıdakılardan asılı olacaq:

  • Xolesterinin səviyyəsindən
  • Ürək tutması və ya insult keçirmə riskinin mövcudluğu.
  • Mümkün əlavə təsirlərə səbəb ola biləcək özəlliyin olub-olmaması.

ORNAVASTIN –in sizə ən uyğun gələn dozasının həkiminizlə və ya əczaçı ilə məsləhətləşin.

Həkiniz sizə ən aşağı dozanı (5 mq) təyin edə  bilər, əgər:

  • Siz Asiya mənşəlisinizsə (Yapon, Çinli, Filipinli, Vyetnamlı, Koreyalı və Hindli).
  • yaşınız 70- dən yuxarıdırsa,
  • Orta dərəcəli böyrək probleminiz varsa,
  • Əzələ ağrıları və sancıları yaşama riskiniz varsa (miopatiya).

Dozanın artırılması və maksimal gündəlik doza:

– Həkiminiz dozanın artırılmasına qərar verə bilər. Beləliklə sizin üçün ən münasib dozadan istifadə edə bilərsiniz. Əgər müalicəyə 5 mq doza ilə başlamısınızsa, həkiminiz dozanı əvvəlcə 10 mq-a, daha sonra 20 mq-a, lazım gələrsə, hətta 40 mq-a çatdıra bilər. Əgər müalicəyə 10 mq doza ilə başlamısınızsa, həkiminiz dozanı 20 mq-a, daha sonra 40 mq-a, çatdıra bilər. Dozanın hər dəfə yüksəldilməsi 4 həftəlik intervallarla həyata keçirilir.

ORNAVASTIN-in maksimal gündəlik dozası 40 mq-dır.Bu doza  adətən, xolesterin səviyyəsi yüksək, ürək tutmaları və insult riski yüksək olan, eyni zamanda 20 mq doza ilə xolesterininin səviyyəsi kifayət dərəcədə düşməyən xəstələr üçündür.

ORNAVASTIN-i ürək tutmalarının baş verməsi, insult və ya onunla bağlı sağlıq problemlərinizin

riskini azaltmaq üçün istifadə edirsinizsə:

Tövsiyə edilən gündəlik doza 20 mq-dır. Bununla belə, sizdə  yuxarıda göstərilən faktorlardan hər hansı biri  varsa, həkiminiz daha aşağı dozadan istifadə etməyinizə qərar verə bilər.

6-17 yaş arası uşaq və yeniyetmələrdə istifadə dozası:

6 yaşdan 17 yaşa qədər uşaq və yeniyetmələrdə doza aralığı gündə bir dəfə 5 – 20 mq təşkil edir. Başlanğıc doza gündə 5 mq təşkil edir və sizin üçün ORNAVASTIN-in lazım olan  dozasını tapmaq üçün həkiminiz tədricən dozanı artıra bilər. 6 – 17 yaş arasında olan şəxslər üçün ORNAVASTIN-in maksimum gündəlik dozası, müalicənizin əsas şərtindən asılı olaraq 10 və ya 20 mq təşkil edir.Qəbul gündə bir dəfədir. Uşaqlar ORNAVASTIN 40 mq –ı istifadə edə bilməz.

Tableti bütöv şəkildə su ilə qəbul edin.

ORNAVASTIN -i gündə bir dəfə qəbul edin. günün hər hansı vaxtında qəbul edə bilərsiniz.Qəbu-

lunu unutmamaq üçün hər gün eyni saatda qəbul etməyə fikir verin.

Xolesterinin səviyyəsinə müntəzəm nəzarətlər:

Xolesterinin səviyyəsinə müntəzəm olaraq nəzarət etmək üçün həkimə getməyiniz çox vacibdir. Bu yolla siz, xolesterinizin lazım olan səviyyəyə düşdüyünə və bu səviyyədə qaldığına əmin ola bilərsiniz. Həkiminiz qəbul edəcəyiniz dozanı artıra bilər. Beləliklə, siz ORNAVASTIN -in sizin üçün ən uyğun dozasını ala bilərsiniz.

ƏLAVƏ TƏSİRLƏRİ.

Bütün dərmanlar kimi ORNAVASTIN – in tərkibində olan hər hansı bir maddəyə qarşı  həsas olan insanlarda əlavə təsirlər meydana çıxa bilər Bu əlavə təsirlərin nədən ibarət olmasını bilməyiniz vacibdir. Bu əlavə təsirlər ümumilikdə zəif  və  keçici xarakter daşıyır.

Aşağıdakı allergik reaksiyaların hər hansı birini müşahidə etdinizsə ORNAVASTIN qəbul etməyi dayandırın və dərhal həkimə müraciət edin.

  • Üzdə, dodaqlarda, dildə və/və ya boğazda şişkinliklə (ödemlə) birlikdə və ya şişkinlik olmadan baş verən təngnəfəslik,
  • Üzdə, dodaqlarda, dildə və/və ya boğazda şişkinlik və bununla bağlı udmanın çətinləşməsi
  • Dəridə səpgi və şiddətli qaşınma.

Əlavə olaraq əzələlərinizdə gözlədiyinizdən daha uzun sürən qeyri-adi ağrı və ya sancı varsa, ORNAVASTIN ın qəbulunu dayandırın və dərhal həkiminizi məlumatlandırın. Əzələ simptomları böyüklərə nisbətən uşaqlarda və yeniyetmələrdə daha çox rast gəlinir. Digər statinlərdə olduğu kimi, çox az sayda insanda xoşagəlməz əzələ simptomları meydana çıxa bilər və nadir hallarda bunlar rabdomioliz adı ilə tanınan əzələ zədələnməsinə qədər inkişaf edə bilər.

Əlavə  təsirlərin  tezliyi  aşağıdakı  parametrlərlə  təyin  edilir:

çox  tez-tez (≥ 1/10); tez-tez (≥ 1/100 – < 1/10); bəzən (≥ 1/1000 – < 1/100);  nadir hallarda

(≥  1/10000 – < 1/1000); çox  nadir  hallarda (< 1/10000); məlum  deyil (əldə  olan  məlumatlar  görə  tezliyi  qiymətləndirmək  mümkün  deyil).

Tez-tez olan ümumi yan təsirlər ((≥ 1/100 – < 1/10):

  • Baş ağrısı
  • Mədə ağrısı
  • Qəbizlik
  • Özünü xəstə hiss etmək
  • Əzələ ağrısı
  • Zəiflik
  • Başgicəllənmə
  • Sidikdə zülalın miqdarının artması – bu hal ümumiyyətlə ORNAVASTIN-in qəbulunu dayandırmadan normal hala gəlir.
  • Şəkər.Əgər şəkər xəstəsinizsə, çox köksünüzsə və yüksək təzyiqiniz varsa ORNAVASTIN- qəbul edərkən həkiminiz sizin vəziyyətinizə nəzarət edəcəkdir.

Bəzən mümkün yan təsirlər (≥ 1/1000 – < 1/100):

  • Səpgi, qaşınma və ya digər dəri reaksiyaları.
  • Sidikdə zülalın miqdarının artması – bu, ümumiyyətlə ORNAVASTIN-in qəbulunu dayandırmadan normal hala gəlir (10 mq və 20 mq ORNAVASTIN-ə aiddir ).

Nadir hallarda mümkün yan təsirlər ((≥  1/10000 – < 1/1000)

  • Şiddətli allergik reaksiya – üzdə, dodaqlarda, dildə və / və ya boğazda şişkinlik, udmada və tənəffüsdə çətinlik, dərinin şiddətli qaşınması (şişkinlik və səpgi ilə birlikdə).

ORNAVASTIN-in allergiya verdiyinizi düşünürsənsə, qəbul etməyi dərhal dayandırın və  həkimə müraciət edin.

  • Böyüklərdə əzələ zədələnməsi – əzələlərinizdə gözləniləndən daha uzun müddət davam edən qeyri-adi ağrılarınız və sancı varsa ehtiyyat olaraq ORNAVASTIN qəbul etməyi dayandırın və dərhal həkiminizə müraciət edin.
  • Qarında şiddətli ağrı (mədəaltı vəzin iltihabı ).
  • Qanda qaraciyər fermentlərinin səviyyəsinin artması.

Çox nadir hallarda mümkün yan təsirləri ((< 1/10000):

  • sarılıq (dərinin və gözlərdə saralma)
  • Hepatit (qaraciyərin iltihabı )
  • Sidikdə qan izləri,
  • Əl və ayaq sinirlərində zədələnmə (keyləşmə kimi)
  • Oynaq ağrısı,
  • Yaddaşın itməsi
  • Kişilərdə süd vəzlərin böyüməsi (ginekomastiya).

Məlum  deyil (əldə  olan  məlumatlar  görə  tezliyi  qiymətləndirmək  mümkün  deyil).

  • Diareya (ishal)
  • Stivens-Conson sindromu (ağızda, gözlərdə, dəridə və cinsiyyət orqanlarında ciddi ölçüdə səpgilərin olması)
  • Öskürək,
  • Təngnəfəslik,
  • Ödem (şişkinlik),
  • Yuxusuzluq və qorxulu yuxugörmələr kimi yuxu pozğunluqları,
  • Cinsi problemlər,
  • Depressiya,
  • Davamlı öskürək və/və ya təngnəfəslik və ya qızdırma ilə müşayiət olunan tənəffüs problemləri
  • Vətərlərin zədələnməsi
  • Davamlı əzələ zəifliyi

Əgər bu içlik vərəqədə qeyd edilməyən hər hansı əlavə təsir meydana çıxarsa, bu barədə həkiminizə və ya əczaçıya məlumat verin. Əlavə təsirləri  bildirməklə bu dərmanın təhlükəsizliyi haqqında daha çox məlumat verməyə kömək edə bilərsiniz.

DOZA HƏDDİNİN AŞILMASI:

Əgər lazım olduğundan artıq miqdarda  doza qəbul etmisinizsə, həkim və ya əczaçı ilə məsləhətləşin. Həkimə müraciət edərkən və ya  başqa bir səbəbdən müalicə alarkən, müalicənizlə məşğul olan tibbi personalı ORNAVASTIN qəbul etdiyiniz haqda məlumatlandırın.

 BURAXILIŞ FORMASI

ORNAVASTIN 10 mq, 20 mq, N28 blisterlərdə, içlik vərəqi ilə birlikdə karton qutuda qablaşdırılır

SAXLANMA ŞƏRAİTİ

25ºС  temperaturdan  yuxarı olmayan, işıqdan düşməyən  və uşaqların əli çatmayan yerdə saxlamaq lazımdır.

İSTEHSALÇI:

Laboratorios Liconsa, S.A. Poligono Industrial Miralcampo. Avda. Miralcampo, 7 19200 Azuqueca De Henares – Guadalajara. İspaniya

Məhsulun və əmtəə nişanının sahibi:

ORNADO MEDİCİNE 11,43 Bedfort street, London, WC2E9HA, Böyük Britanya.