MELORNA FORTE
MELORNA FORTE
Beynəlxalq patentləşdirilməmiş adı:
liofilizəolunmuş inyeksiya üçün ademetionin tozu və həlledici l-lizin monohidroxlorid məhlulu
Tərkibi:
Təsiredici maddə:
Hər flakonun tərkibində 400 mq Ademetioninə ekvivalent Ademetionin Butanedisulfonat
( Ademetionin 1,4-butanedisulfat şəklində) vardır.
Hər 5 ml həlledici məhlul ibarətdir:
L-lizin monohidroxlorid …………………… 324.4 mq
İnyeksiya üçün su …………………… 5 ml
Köməkçi maddələr:
Natrium hidroksid
Təsviri Flakonda: Ağ rəngdə liofilizəolunmuş toz; Həlledici: şəffaf rəngsiz məhlul.
Farmakoterapevtik qrupu:
Amin turşular və törəmələri
ATC kod: A16AA02
Farmakoloji xüsusiyyətləri
Farmakodinamikası
Ademetionin hepatoprotektorlar qrupuna aid olub, həmçinin antidepressant xüsusiyyətə də malikdir. Xoleretik və xolekinetik xüsusiyyətlərə malik olduğundan detoksikant, bərpaedici, antioksidant, antifibrotik və neyroprotektiv təsir göstərir. S-adenosyl-L-metionin (ademetionin) çatışmazlığını aradan qaldırır, orqanizmdə endogen sintezini stimullaşdırır. Ademetioninin ən yüksək konsentrasiyası qaraciyərdə və beyində müşahidə edilmişdir. Orqanizmdə metabolik proseslərin gedişində əsas rol oynayır və mühüm biokimyəvi reaksiyalarda (transmetilləşmə, transsulfatlaşma, transaminləşmə)birbaşa iştirak edir
Transmetilləşmə reaksiyalarında hüceyrə membranı fosfolipidlərinin, neyrotransmitterlərin, nuklein turşularının, zülalların, hormonların və s. sintezi üçün lazım olan metil qrupunun donoru rolunu oynayır. Transsulfatlaşma reaksiyalarında sistein, taurin, qlutationun (hüceyrəvi detoksikasiya proseslərində oksidləşmə-reduksiya reaksiyalarını təmin edən), koenzim A –nın (trikarbon turşularının biokimyəvi reaksiyalarında iştirak etməklə hüceyrənin enerji balansını təmin edir) sələfi sayılır.
Qaraciyərdə qlutaminin, plazmada sistein və taurinin ehtiyyatını artırır; zərdabda metioninin miqdarını azaldaraq qaraciyərdə metabolik prosesləri normallaşdırır. Dekarboksilləşmədən sonra fibroz riskini azaldan ribosom strukturunun bir hissəsi olan poliaminlərin-putressinin (hüceyrə regenerasiyasının və hepatositlərin çoxalmasının stimulyatoru), spermidin və sperminin sələfi kimi aminopropilasiya reaksiyalarında iştirak edir. Xoleretik təsir göstərir. Ademetionin hepatositlərdə endogen fosfatidilxolinin sintezini normallaşdırır, bu da membranın axıcılığını və polarizasiyasını artırır. Bu, hepatosit membranları ilə əlaqəli öd turşularının daşınması sistemlərinin funksiyasını yaxşılaşdırır və öd turşularının öd yollarına keçməsini təmin edir.
Paycıqdaxili xolestazda effektivdir (ödün sintezinin və axınının pozulmaları). Ademetionin hepatositlərdə öd turşularını sulfatlaşdıraraq toksikliyini azaldır. Öd turşularını taurin ilə birləşməsi hesabına onların hepatositlərdən xaric olmasını artırır. Öd turşularının sulfatlaşması prosesi onların hepatosit membranından keçməsini və öd ilə ifrazını asanlaşdırır və böyrəklər tərəfindən xaric edilməsini asanlaşdırır.
Bundan əlavə, sulfatlaşmış öd turşuları qaraciyər hüceyrəsi membranını sulfatlaşmamış öd turşularının toksiki təsirindən qoruyur (intrahepatik xolestaz zamanı hepatositlərdə yüksək konsentrasiyada mövcud olur). İntrahepatik xolestaz sindromlu diffuz qaraciyər xəstəlikləri (siroz, hepatit) olan xəstələrdə ademetionin dəri qaşınmasının şiddətini, biokimyəvi parametrlərdə olan dəyişiklikləri, o cümlədən, birbaşa bilirubinin konsentrasiyasını, qələvi fosfatazanın və aminotransferazların aktivliyinı azaldır. Xoleretik və hepatoprotektiv effekti müalicənin dayandırılmasından sonra 3 ay müddətində öz təsirini saxlamış olur. Müxtəlif hepatotoksik preparatların səbəb olduğu hepatopatiyalarda effektiv olduğu sübut edilmişdir. Antidepressant aktivlik tədricən, yəni müalicənin ilk həftəsinin sonundan başlayır və müalicənin 2 – ci həftəsi ərzində stabilləşir. Bir sıra tədqiqatlar xroniki qaraciyər xəstəlikləri olan xəstələrdə yorğunluğun artmasınının aradan qalxmasında ademetioninin effektivliyini təsdiqlədi. Müalicədən əvvəl artan yorğunluq əlamətləri olan xəstələrdə əldə edilən məlumatların ümumi təhlili göstərdi ki, ademetionin ilə müalicənin başlanmasından sonra dəri və selikli qişalarda səpgi və qaşınma, depressiya və digər simptomlarla birlikdə artan yorğunluq simptomlarında da ciddi azalma əldə olunmuşdur. Qaraciyərin alkoqol zədələnməsi olan xəstələrdə ademetionin ilə müalicənin başlanması ilə əhval-ruhiyyənin əhəmiyyətli dərəcədə yaxşılaşması və yorğunluğun artması simptomlarına müsbət dəyikliklərin baş verməsi müşahidə olundu. .
Farmakokinetikası
Sorulma Parenteral tətbiq zamanı biomənimsənilmə 96% təşkil edir. Plazma konsentrasiyası 45 dəqiqədən sonra maksimum həddə çatır.
Paylanması. Plazma zülalları ilə birləşməsi əhəmiyyətsiz dərəcədədir – ≤5%. HEB –i keçir. Serebrospinal mayedə ademetioninin konsentrasiyasında əhəmiyyətli dərəcədə toplanır. bir artım var.
Metabolizm. Qaraciyərdə metabolizə olunur. Ademetioninin metobolizmi və yenidən əmələ gəlməsi prosesi ademetionin dövrü adlanır. Bu dövrün ilk mərhələsində ademetionindaşıyıcı metilazala ademetionini S-adenozilhomosistein sintezi üçün substrat kimi istifadə edir, sonra S-adenozilhomosistein hidrolazanın iştirakı ilə homosistein və adenozinə hidrolizə olunur. Homosistein, öz növbəsində, 5-metiltetrahidrofolatdan bir metil qrupu alaraq metioninə çevrilir. Yekunda metionin ademetioninə çevrilməklə dövrü tamamlayır.
Xaric olunma.
T1/2 – 1,5 saat təşkil edir. Böyrəklər vasitəsilə xaric edilir.

İstifadəsinə göstərişlər:
Aşağıdakı xəstəliklərdə müşahidə edilən sirrozun və sirroz hallarındaki qaraciyərdaxili xolestaz:
• qaraciyər yağlanması
• xroniki hepatit
• alkoqol qəbulu, viral infeksiyalar, dərman qəbuluyla (antibiotik, şişəleyhinə, vərəməleyinə dərman vasitələri, trisiklik antidepresantlar, oral kontraseptivlər) əlaqəli və müxtəlif etiologiyalı toksiki qaraciyər zədələnməsi
• xroniki akalkuloz (daşsız) xolesistit
• xolangit
• qaraciyər sirrozu
• qaraciyər çatışmazlığına (alkoqol qəbuluna bağlı və digər mənşəli) bağlı ensefalopatiya daxil olmaqla ikincili ensefalopatiya
• Hamiləlikdə qaraciyərdaxili xolestaz
• Depressiya

Əks göstərişlər:
Ademetioninə və ya digər tərkib komponentlərinə qarşı fərdi həssaslıq;
Metioninin dövrünə təsir edən, homosistinuriyaya və / və ya hiperhomosisteinemiyaya
səbəb olan (Sistationin beta-sintaza çatışmazlığı, sianokobalamin metabolizminin
pozulması) genetik pozulmalar.
Bipolyar pozulmalar
18 yaşa çatmayan şəxslər.
Xüsusi ilə diqqətli olmaq lazımdır
Hamiləlik (I trimestr) və ana südü ilə qidalandırma dövrü (yalnız ana üçün potensial fayda döl və ya uşaq üçün mümkün riskdən artıq olduqda istifadə edilə bilər).
Serotoninin geri tutulmasının selektiv inhibitorları, (SSGTI), trisiklik antidepresanlar (məsələn, klomipramin), həmçinin tərkibində triptofan ehtiva edən bitki mənşəli preparatlarla eyni vaxtda istifadə (“Digər dərmanlarla qarşılıqlı təsiri” bölməsinə baxın).
Yaşlı xəstələr.
Böyrək çatışmazlığı.

Xüsusi göstərişlər və ehtiyat tədbirləri:
MSS-ə stimullaşdırıcı təsirini nəzərə alaraq, yatmazdan əvvəl istifadəsi məsləhət görülmür.
Hiperazotemiyayla əlaqəli qaraciyər sirrozu olan pasiyentlərdə qalıq azota sistematik nəzarət edilməsi tövsiyə edilir. Uzunmüddətli terapiya zamanı qandaki sidik cövhəri və kreatinin göstəricilərinə nəzarət edilməlidir.
Bipolar pozulma diaqnozu qoyulan pasiyentlərə ademetioninin təyin edilməsi məsləhət görülmür. Ademetionin qəbul edən pasiyentlərdə depresiyyanın hipomaniya və ya maniyaya çevrilməsi halları müşahidə edilmişdir. Həmçinin, ademetionin qəbul edən pasiyentlərdə ani təşviş pozuntusu baş verə və ya ağırlaşa bilər. Əksər hallarda müalicənin dayandırılması tələb olunmur; Bəzi
hallarda təşviş pozuntusu doza azaldıldıqda və ya dərman qəbulu dayandırıldıqda aradan qalxır.
Depresiyyadan əziyyət çəkən xəstələr intihara və digər özünəqəsd cəhdlərinə meyillilikdə yüksək risk qrupundadırlar. Belə pasiyentlər dərman qəbulu dövründə psixiatrin daimi nəzarəti altında olmalıdır. Sianokobalamin və fol turşusu çatışmazlığı risk qrupunda olan xəstələrdə (anemiyaya, qaraciyər xəstəliklərinə, hamiləliyə və pəhrizə bağlı vitamin çatışmazlığı) qandakı Ademedetionin səviyyəsini azalda bilər. Çatışmazlıq müşahidə edilərsə, müalicəyə başlamazdan öncə və ya müalicə zamanı B12 vitamini və fol turşusu ilə birgə istifadəsi tövsiyyə olunur.
Ademetionin qəbulu zamanı immunoloji analizlərdə qandakı homosistein miqdarının yanlış olaraq yüksək miqdarda görülə bilər. Ademetionin qəbul edən xəstələrdə qanda homosistein səviyyəsinin
ölçülməsi üçün qeyri-immunoloji analiz metodlarından istifadə edilməsi tövsiyyə olunur.
Böyrək çatışmazlığından əziyyət çəkən pasiyentlərdə Ademetioninin istifadəsi ilə bağlı tədqiqatlar aparılmamışdığı üçün bu kateqoriyada olan pasiyentlərə preparat ehtiyatla təyin olunmalıdır.
Ahıl pasiyentlərdə preparat ehtiyatla təyin olunmalıdır və müalicəyə aşağı dozadan başlanılmalıdır.

Digər dərman vasitələri ilə qarşılıqlı təsiri
Digər dərman vasitələriylə qarışılıqlı təsiri müşahidə edilməmişdir.
Ademetionini seçici serotonin geri sorulması inhibitorları, trisiklik antidepressantlar ( məs. klomipramin) bitki mənşəli dərmanlar və tərkibində triptofan olan dərman vasitələriylə birlikdə təyin edərkən ehtiyatlı olmaq lazımdır.

Hamiləlik və laktasiya dövründə istifadəsi
Hamiləlik:
Hamiləliyin 3-cü trimestrində ademetioninin istifadəsi heç bir əlavə təsir törətmir. Ademetionin hamiləliyin 1-ci və 2-ci trimestrində yalnız təcili hallarda istifadə edilə bilər.
Südverən analarda istifadəsi yalnız ana üçün gözlənilən fayda döl üçün potensial riskdən daha üstün olduğu hallarda mümkündür.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Bəzi xəstələrdə Melorna forte qəbul edərkən başgicəllənmə ola bilər. Terapiyanın nəqliyyat vasitəsini və digər potensial təhlükəli mexanizmləri idarəetmə qabiliyyətinə təsir etmədiyinə əmin olana qədər preparatı qəbul edərkən avtomobil idarə etmək və ya təhlükəli mexanizmlərlə işləmək tövsiyə edilmir.
İstifadə qaydası və dozası
Preparat əzələdaxili və ya venadaxili damcı üsulu ilə istifadə edilir. Liofilizəolunmuş toz istifadədən əvvəl xüsusi həlledici ilə həll edilir. Hazır məhlul 25°С-dən aşağı temptraturda 6 saat, 2-8°С tempraturda isə 24 saat qala bilər. Dərmanın qalıqları atılmalıdır.
Preparat qələvi məhlulları və tərkibində kalsiyum ionları olan məhlullarla qarışdırılmamalıdır.
Dərmanın rəngi ağdan ağımtıla dəyişərsə ( zədələnmiş flakona və ya yüksək tempratura görə) istifadə olunmamalıdır.
Müalicə müddəti həkim tərəfindən fərdi olaraq müəyyən edilməlidir.
Venadaxili istifadə zamanı dərman çox yavaş yeridilməlidir.
Başlanğıc müalicə: gündəlik tövsiyə edilən doza bədən çəkisinin hər kq-a 5-12 mq olmaqla vena və ya əzələ daxili istifadə olunmalıdır.
Qaraciyərdaxili xolestaz: Gündəlik 400 mq-dan 800 mq-a (gündəlik 1-2 flakon) olmaqla 2 həftə
Depressiya: Tövsiyə olunan başlanğıc doza gündəlik 400-800 mq ( 1-2 flakon) , 15-20 gün
Dəstəkləyici terapiyaya ehtiyac olarsa, gündəlik 800-1600 mq tablet formasında olmaql 2-4 həftə müalicəyə davam etmək tövsiyə edilir.

Əlavə təsirləri
Əlavə təsirlərin tezliyi aşağıdakı parametrlərlə təyin edilir:
çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil). İnfeksiya və invaziyalar: gec rast gəlinir – sidik yolu infeksiyaları İmmun sistemi xəstəlikləri: gec rast gəlinir – hiperhəssaslıq, anaflaksiya və ya anaflaktik allergik reaksiyalar (hiperemiya, təngənəfəslik, bronxospazm, bel ağrısı, sinədə diskomfort, arterial təzyiqin (arterial hipertenziya və ya hipotenziya) və ya ürək ritminin (taxikardiya, bradikardiya) dəyişməsi. Psixi pozğunluqlar: çox tez rast gəlinir- təşviş pozuntusu, yuxusuzluq; gec rast gəlinən – həyəcan, qarışıq psixi vəziyyət. Sinir sistemi xəstəlikləri: çox tez rast gəlinən – baş ağrısı; gec tast gəlinən – başgicəllənmə, paresteziya (keyimə). Ürək-damar sistemi xəstəlikləri: gec rast gəlinən – istilikbasma, flebit, arterial hipertenziya. Tənəffüs, torakal və mediastinal xəstəliklər: gec rast gəlinən – laringeal ödem. Mədə-bağırsaq xəstəlikləri: çox tez rast gəlinən – qarın nahiyəsində ağrı, ishal; gec rast gəlinən – ağızda quruluq, dispepsiya, meteorizm, mədə-bağırsaq ağrısı, mədə-bağırsaq qanaxması, mədə-bağırsaqda narahatlıq, qusma; nadir hallarda – qarın nahiyəsində gərginlik, ezofagit. Dəri və dərialtı toxuma xəstəlikləri: çox tez rast gəlinən – dəridə qaşınma; gec rast gəlinən – həddindən artıq tərləmə, angioödem, dəridə allergik reaksiyalar ( dəridə səpgi, qaşıntı, urtiker, eritema). Skelet-əzələ sistemi və birləşdirici toxuma xəstəlikləri: gec rast gəlinən – oynaq ağrıları, əzələ spazmı. Ümumi və dərmanın tətbiq nöqtəsindəki pozğunluqlar: gec rast gəlinən – asteniya, ödem, qızdırma, əsmə, tətbiq nöqtəsində reaksiya, dəri nekrozu; nadir rast gəlinən – özünü pis hiss etmə. Doza həddinin aşılması: Doza həddinin aşılmasıyla bağlı klinik vəziyyət müşahidə edilməmişdir. Doza həddinin aşılması halında pasiyentə nəzarət və simptomatik müalicə tövsiyyə edilir. Saxlanma şəraiti: İşıq düşməyən yerdə, 25℃-dən yüksək olmayan yerdə saxlanılmalıdır. Hazır məhlul 25°С-dən aşağı temptraturda 6 saat, 2-8°С temperaturda isə 24 saat qala bilər. Buraxılış forması: Flakon: liofilizəolunmuş inyeksiya üçün ademetionin tozu: diametri 20 mm olan rezin tıxaclı və 20 mm diametrli şəffaf qapaqlı, 10 ml I tip şəffaf şüşələr. Ampul: L-lizin monohidroxlorid məhlulu üçün: 5 ml şəffaf şüşə ampula (ağ halqalı asan kəsilmə ilə). Bunlar 5 şüşə liofilizəolunmuş inyeksiya üçün ademetionin tozu və 5 ampul L-lizindir. Monohidroxlorid məhlulu 1 rəfdə, içlik vərəqə ilə birlikdə karton qutuya qablaşdırılır. Uşaqların əli çatmayan yerdə saxlanılmalıdır. Yararlılıq müddəti Yararlılıq müddəti qablaşdırmanın üzərində göstərilir. Yararlılıq müddəti bitdikdən sonra istifadə etmək olmaz. Aptekdən buraxılma şərti: Resept əsasında buraxılır. İstehsalçı/Qeydiyyat vəsiqəsinin sahibi: Opes Healthcare Pvt.Ltd., India C-002, Elanza Crest, Nr. Sigma House, Sindhu Bhavan Road, Bodakdev, Thaltej Gam, Ahmedabad-380059, Gujarat, India, Kombio. Məhsulun və əmtəə nişanının sahibi “Ornado Medicine LLP”, Böyük Britaniya. Company № OC386612 UK, London, 43 Bedford Street, Officce 11.