Tərkibi: Sefiksim trihidrat 400 mq
Farmakoterapevtik qrupu
Üçüncü nəsil sefalosporin qrupu antibiotik.
Farmakoloji xüsusiyyətləri
Farmakodinamikası: Sefiksim qram+ və qram – orqanizmlərin əksəriyyətinə qarşı bakterisid aktivliyi ilə fərqlənən üçüncü nəsil oral sefalosporindir. S. pneumoniae, S. pyogenes, E. coli, Proteus mirabilis, Kl. species, H. İnfluenza, Branhamella catarrhalis və Enterobacter patogenlərinin törətdiyi infeksiyalarda kliniki effektivliyi sübut olunmuşdur. Beta-laktamaza fermentlərinə qarşı yüksək dərəcədə stabillik göstərir.
Farmakokinetikası: Oral biomənimsənilməsi 22-54% aralığındadır. Qida ilə birgə qəbulu preparatın absorbsiyasına təsir göstərmir. Plazmada maksimal konsentrasiyası 1,5 və 3 mkq/ml arasındadır.
Sidiklə dəyişilməmiş halda xaric olur. Demək olar ki, yalnız albumin fraksiyasına birləşir(təxminən 30% ). Sefiksimin ana südü ilə ifrazı haqqında isə dəqiq məlumatlar yoxdur.
İstifadəsinə göstərişlər:
- Faringit, laringit
- Kəskin orta otit
- Sinusitlər.
- Kəskin və xroniki bronxit
- Kəskin sistit, uretrit, pielonefrit
- Qonoreya
- Piodermiyalar
Əks göstərişlər
Sefalosporinlərə və ya tərkibindəki maddələrdən hər hansı birinə qarşı yüksək həssaslıq.
Xüsusi göstərişlər və ehtiyat tədbirləri
Böyrək çatışmazlığı olan şəxslər sefiksim qəbulu zamanı ehtiyatlı olmalıdırlar. Psevdomembranoz kolitin müalicəsinə dərman dayandırıldıqdan sonra kolit yaxşılaşmırsa və ya simptomlar şiddətlənirsə, C. difficile tərəfindən törədilən, antibiotiklə əlaqəli psevdomembranoz kolit üçün seçilən dərman, oral vankomisindir.
Digər dərman vasitələri ilə qarşılıqlı təsiri
Antikoaqulyantlarla (məsələn, varfarin) müalicə alan şəxslər diqqətli olmalıdırlar.
Laboratoriya testlərinə təsiri: Benedict və Fehling məhlulları və ya mis sulfat test tabletləri ilə sidikdə qlükoza üçün yanlış müsbət reaksiyalar verə bilər.
Sefalosporin antibiotikləri ilə müalicə zamanı yanlış müsbət Düz Kumbs Reaksiyası qeydə alınmışdır.
İstifadə qaydası və dozası
Standart müalicə kursu 7 gündür. Lazım gələrsə, müalicə müddəti 14 günə qədər artırıla bilər.
Böyüklər və 10 yaşdan yuxarı və ya çəkisi 50 kq-dan çox olan uşaqlar:
Tövsiyə olunan doza infeksiyanın şiddətindən asılı olaraq gündə 200 – 400 mq təşkil edir. Təyin edilmiş birdəfəlik doza gün ərzində 200 mq iki ayrı dozada (səhər və axşam) qəbul edilə bilər.
10 yaşa qədər uşaqlar: 10 yaşdan kiçik uşaqlarda istifadəsi tövsiyə edilmir.
Böyrək çatışmazlığı: Böyrək çatışmazlığı zamanı dozanın azaldılması ilə qəbul edilə bilər.
Kreatinin klirensi 20 ml/dəqiqə və ya daha çox olan xəstələrdə normal doza təyin edilə bilər. Kreatinin klirensi 20 ml/dəqiqədən az olan və xroniki ambulator peritoneal dializ və ya hemodializ qəbul edən xəstələrə gündə bir dəfə 200 mq dozadan artıq olmamaq şərti ilə preparatın qəbulu tövsiyə edilir.
Hamiləlik və laktasiya dövründə istifadəsi
Hamiləlik dövründə preparatın istifadəsinə dair məlumat yoxdur. Həkim tərəfindən zəruri hesab
edilmədiyi təqdirdə hamilə qadınlarda və süd verən analarda istifadə edilməməlidir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparatın nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsiri müşahidə olunmayıb
Əlavə təsirləri
Nadir hallarda: geridönən leykopeniya, neyrotropeniya, eozinofiliya, trombositopeniya.
Çox nadir hallarda: geridönən aqranulositoz və hemolitik anemiya. Qanaxma müddətinin və
protrombin müddətinin uzanması. Çox tez-tez: ishal. Tez-tez: ürəkbulanma, qusma, abdominal ağrı, meteorizm, iştahsızlıq. Çox nadir hallarda: antibiotiklə bağlı kolit Bəzən: AST, ALT səviyyələrinin,
bilirubin, kreatinin orta dərəcədə yüksəlməsi. Çox nadir hallarda: hepatit və xolestatik sarılıq.
Çox nadir hallarda: geridönən qıcolmalar (yüksək doza qəbul edən və böyrək çatışmazlığı olan
xəstələrdə). Çox nadir hallarda: interstisial nefrit. Nadir hallarda: məxmərək, angionevrotik ödem,
multiformalı eritema, anafilaktik şoka qədər müşahidə edilə biləcək kəskin allergik reaksiyalar
(üzdə və dildə şişkinlik, taxikardiya, arterial təzyiqin aşağı düşməsi), genital qaşınma, vaginit,
artralgiya, dərman qızdırması, selikli qişanın iltihabı. Çox nadir hallarda: qızdırma, zərdab xəstəliyi,
Stivens-Conson sindromu, toksik epidermal nekroliz, sistem simptomları ilə müşahidə olunan dərman reaksiyaları (DRESS).
Doza həddinin aşılması
Doza hədinin aşılması hallarında simptomatik müalicə olunmalıdir.
Buraxılış forması
10 jelatin kapsul alüminium folqalı blisterdə içlik vərəqəsi ilə birlikdə karton qutuya qablaşdırılır.
Saxlanma şəraiti
30ºC-dən aşağı temperaturda, quru, qaranlıq və uşaqların əli çatmayan yerdə saxlamaq lazımdır. Kapsulları dondurmaq olmaz.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Opes Healthcare Pvt.Ltd., India
C-002, Elanza Crest, Nr. Sigma House, Sindhu Bhavan Road, Bodakdev, Thaltej Gam, Ahmedabad-380059, Gujarat, India, Kombio.