NOMICIN PLUS GEL 50 qr gel
NOMICIN PLUS GEL
Beynəlxalq patentləşdirilməmiş adı: nimesulid, lidokain
Tərkibi
Təsiredici maddə: Hər bir tübdə 1% nimesulid və 5% lidokain var
Köməkçi maddələr: makroqol 400, hidroksipropil sellüloza, izopropil spirti, kaprilokaproil makroqol qliseridi, natrium hidroksid
Təsviri
Sarı və ya açıq sarı rəngli gel
Farmakoterapevtik qrupu Yerli istifadə üçün qeyri-steroid iltihabəleyhinə, anestetik və analgetik preparatlar
ATC kodu: M02AA
Farmakoloji xüsusiyyətləri
Farmakodinamikası
Nimesulid sulfonilamid sinfindən olan qeyri-steroid iltihabəleyhinə preparatdır (QSİƏP). Nimesulid prostaqlandinlərin sintezində iştirak edən siklooksigenaza-2 fermentini inhibə edir. Iltihabəleyhinə, ağrıkəsici və qızdırmasalıcı təsirə malikdir. Lidokain anesteziyaedici və ağrıkəsici preparatdır. Nimesulid/lidokain yerli olaraq tətbiq edildikdə, ağrını zəiflədir, oynaqlarda ödemini azaldır, hərəkət mədudiyyətini aradan qaldırır.
Farmakokinetikası
Absorbsiya:
Nimesulid yerli olaraq tətbiq edildikdə, tədricən və fasiləsiz sorularaq dəridən əzələyə və ya sinovial mayeyə keçir. Nimesulid ilə aparılan klinik tədqiqatda son tətbiqdən 1-2 saat sonra sinovial mayedə və plazmada konsentrasiyası hesablanılmışdır. Sinovial maye və plazmada nimesulidin səviyyəsi müvafiq olaraq 22,1 ±10,5 nq/ml və 11,8±3,0 nq/ml kimi müəyyən edilmişdir. Lidokain dəridən sürətlə sorulur.
Paylanma:
Nimesulid yerli tətbiqdən sonra, 30 dəqiqə – 8 saat müddətində plazmada aşkar səviyyədə təyin olunmuşdur ki, bu da preparatın dəridən tədricən sorularaq sistem qan dövranına daxil olduğunu göstərir. Yerli tətbiqdən 8 saat sonra plazmada nimesulidin konsentrasiyası 14 nq / ml – 57,5 nq / ml arasında dəyişilir.
Lidokainin 33-80%-i plazma zülalları ilə birləşir. Paylanma həcmi 0,8-1,3 l/kq təşkil edir.
Biotransformasiya:
Nimesulid və lidokain qaraciyərdə metabolizmə uğrayır. Nimesulidin metaboliti, aktiv 4-hidroksiminsulfiddir, lidokainin metabolitləri isə monoetilglisineksilidid və glisineksilididdir .
Eliminasiya:
Nimesulid 51-63% nisbətində böyrəklərlə xaric olunur. Sidiklə xaric edilən dəyişilməmiş dərmanın nisbəti 0,1% -dən azdır. Nəcislə isə 18-36% nisbətində xaric olunur. Yarımxaricolma dövrü (T1/2) orta hesabla 10 saat təşkil edir.
Lidokain sidikdə dəyişilməmiş və metabolitlər şəklində aşkar olunur. Qəbul edilən dozanın 10%-i dəyişilməmiş halda böyrəklərdən xaric olunur. Yarımxaricolma dövrü (T1/2, ) təxminən 2 saatdır.

İstifadəsinə göstərişlər
Yumşaq toxumaların və oynaqların travmatik, degenerativ və revmatik xəstəlikləri zamanı ağrı və iltihabın simptomatik müalicəsində:
lumbago, osteoartrit, periartrit, tendinit, tenosinovit, bursit və idman zədələnmələri.
Əks göstərişlər
NOMİCİN PLUS GEL istifadə edilməməlidir:
Tərkibindəki aktiv maddələrə və ya onların törəmələrinə qarşı hiperhəssaslıq.
Astma, rinit, angionevrotik ödem, burun polipləri və ya övrə simptomlarına səbəb ola biləcək aspirin və digər qeyri-steroid iltihab əleyhinə preparatlara qarşı həssaslığı olan xəstələr.
Uşaqlar
Hamiləliyin I və III trimestri.
Xüsusi göstərişlər və ehtiyat tədbirləri
Tətbiq olunan sahədə qıcıqlanma, qızartı və ya qaşınma yaranarsa, NOMİCİN PLUS GEL-un istifadəsi dayandırılmalı və zəruri hallarda müvafiq müalicə aparılmalıdır. NOMİCİN PLUS GEL tətbiq olunan nahiyəyə okklyuziv sarğı qoyulmamalıdır. Gözlərə, qoltuqaltına, selikli qişaya (genital, burun, ağız boşluğu) və ya açıq dəri zədələnmələrinə, dermatozlara və ya infeksiyalaşmış dəri sahələrinə tətbiq edilməməlidir. Təsadüfən təmas olarsa, dərhal su ilə yuyulmalıdır. NOMİCİN PLUS GEL istifadəsi zamanı paltarların rənglənməsi mümkündür. Digər yerli preparatlarla eyni vaxtda istifadəsi mümkün deyil. NOMİCİN PLUS GEL lazım olandan daha böyük sahələrə və uzun müddət tətbiq edilməməlidir.
Digər dərman vasitələri ilə qarşılıqlı təsiri
Aşağıdakı dərman vasitələri ilə eyni vaxtda istifadə edildikdə, lidokainin absorbsiyasından asılı olaraq qarşılıqlı təsir yarana bilər:
-Yüksək qan təzyiqi və ürək xəstəliklərinin müalicəsində istifadə edilən, aktiv tərkib hissəsi kimi propranolol olan prepartlar – lidokainin plazma klirensinin azalması
-Tərkibində aktiv maddə simetidin olan və onikibarmaq bağırsaq xoralarının müalicəsində istifadə edilən preparatlar- lidokainin plazma klirensinin azalması
– Antiaritmik preparatlar- lidokainin toksikliyinin artması
– Epilepsiyanın müalicəsində istifadə edilən və aktiv maddə kimi fenitoin olan preparatlar – lidokainin plazma səviyyəsinin azalması.
-Sakitləşdirici kimi istifadə edilən və barbituratlar qrupuna daxil olan preparatlar lidokainin plazma səviyyəsinin azalması.
Qarşılıqlı təsirlər uzunmüddətli və təkrarlanan yüksək dozalarda istifadə zamanı müşahidə edilə bilər. Tövsiyə olunan dozalarda tətbiq edildikdə klinik cəhətdən əhəmiyyətli qarşılıqlı təsirlər qeydə alınmamışdır. Nimesulidin yerli istifadəsində hər hansı bir qarşılıqlı təsir məlum deyil.
Hamiləlik və laktasiya dövründə istifadəsi
Hamiləlik dövründə NOMİCİN PLUS GEL ilə müalicənin fayda/zərər nisbəti həkim tərəfindən qiymətləndirilməlidir və zəruri olmadıqda hamiləlik dövründə istifadə edilməməlidir. Xüsusilə, hamiləliyin üçüncü trimestrində arterial kanalın erkən bağlanması və uşaqlığın atoniyası riski olduğu üçün nimesulid istifadə edilməməlidir.
Lidokain ana südü ilə az miqdarda ifraz olunur. Nimesulidin ana südü ilə ifrazı və ana südü ilə qidalanan uşaqlara mümkün təsirləri tam öyrənilmədiyinə görə laktasiya dövründə NOMİCİN PLUS GEL-un istifadəsi tövsiyə edilmir.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Avtomobil idarə etmək qabiliyyətinə və mexanizmlərdən istifadə etmək bacarığına heç bir təsiri yoxdur.
İstifadə qaydası və dozası
Həkim tərəfindən xüsusi təyinat verilməyibsə, NOMİCİN PLUS GEL gündə 3-4 dəfə zədələnmiş nahiyəyə nazik qatla çəkilir.Güclü ovuşdurulmamalıdır,oklüziv sargı qoyulmamalıdır. Doza zədələnmiş sahənin ölçüsündən və müalicəyə cavabından asılı olaraq dəyişilə bilər.

Əlavə təsirləri
Yerli istifadə zamanı əlavə təsirlər nadir hallarda qeyd olunur. Kliniki tədqiqatlarda ən çox görülən əlavə təsirlər bunlardır: yerli qıcıqlanma, eritema, dəri səpgiləri, qabıqlanma və qaşınma kimi yüngül və ya orta dərəcəli yerli reaksiyalar.
Əlavə təsirlərin tezliyi aşağıdakı parametrlərlə təyin edilir:
çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil). İmmun sisteminin pozğunluqları: Çox nadir: Allergik reaksiyalar (ağır hallarda anafilaktik şok müşahidə edilə bilər) Sinir sisteminin pozğunluqları : Çox nadir hallarda: əsəbilik, narahatlıq, eyforiya, çaşqınlıq, qulaqda küy, yuxululuq, bulanıq görmə və ya görmədə ikiləşmə, titrətmə,əsmə, huşun itirilməsi. Ürək və damar xəstəlikləri: Çox nadir hallarda: bradikardiya, arterial təzyiqin düşməsi, ürək-damar kollapsı. NOMİCİN PLUS GEL-un tərkibindəki lidokain yerli tətbiq olunduğundan, tövsiyə olunan müalicə sxeminə əməl edildikdə (xüsusilə də iri dəri səthinə və çox yüksək dozalarda tətbiq edilmədikdə) oxşar yan təsirlərin baş vermə ehtimalı azdır. Dəri və dərialtı toxumaların zədələnmələri: Nadir hallarda: qaşınma, eritema. Naməlum: qabıqlanma, qaşınma, dəri səpgisi, yüngül və ya orta dərəcədə yerli qıcıqlanma. Doza həddinin aşılması Yerli istifadə zamanı heç bir doza həddinin aşılması halı qeydə alınmayıb. Lidokain, dərinin geniş səthinə və xüsusilə çox böyük dozalarda tətbiq edilərsə ürək ritminin pozulmasına, tənəffüsün çətinləşməsinə, komaya və hətta ölümə səbəb ola bilər. Buraxılış forması Tərkibində 50 q gel olan diyircəkli qapağa malik polietilen tüb formasında buraxılır. Saxlanma şəraiti 25ºС temperaturdan yüksək olmayan, işıqdan qorumaqla və uşaqların əli çatmayan yerdə saxlamaq lazımdır. Yararlılıq müddəti Yararlılıq müddəti qablaşdırmanın üzərində göstərilir. Yararlılıq müddəti bitdikdən sonra istifadə etmək olmaz. Aptekdən buraxılma şərti Resept əsasında buraxılır. İstehsalçı: VEM İlaç San. ve Tic. A.Ş., Türkiyə. Çerkezköy Organize Sanayi Bölgesi Karaağaç Mah. Fatih Bulv. No: 38 Kapaklı/TEKİRDAĞ, TURKEY. Qeydiyyat vəsiqəsinin sahibi “ORNADO MEDICINE” LLP. Office 11, 43 Bedford Street, London, WC2E 9HA, Great Britain. Məhsulun və əmtəə nişanının sahibi “ORNADO MEDICINE” LLP. Office 11, 43 Bedford Street, London, WC2E 9HA, Great Britain.