DENKAP tabletlər
DENKAP

Beynəlxalq patentləşdirilməmiş adı: Meloxicam

Tərkibi
Təsiredici maddə: 1 tabletin tərkibində 15 mq meloksikam vardır.
Köməkçi maddələr: laktoza monohidrat, mikrokristallik selluloza, natrium sitrat dihidrat,
polivinilpirrolidon, kolloidal silisium dioksid, krospovidon, maqnezium
stearat.

Təsviri
Dairə şəkilli, sarı rəngli iki tərəfi qabarıq tabletlərdir.

Farmakoterapevtik qrupu
Qeyri-steroid iltihabəleyhinə preparatlar, oksikamlar.
ATC kodu: M01AC06.

Farmakoloji xüsusiyyətləri
Farmakodinamikası
Meloksikam qeyri-steroid iltihabəleyhinə dərman vasitəsi olmaqla, iltihabəleyhinə, ağrıkəsici, qızdırmasalıcı təsirlərə malikdir. Təsir mexanizmi siklooksigenaza-2-ni (COG-2) seçici olaraq inaktivləşdirməklə, iltihab mediatorlarının – prostaqlandinlərin biosintezini tormozlamasına əsaslanır. Siklooksigenaza-1 (SOG-1) ilə oxşarlığına görə, terapevtik dozalarda mədə-bağırsaq traktı və böyrəklərdə sitoprotektiv prostaqlandinlərin biosintezinə neqativ təsir göstərmir, həmçinin, trombositlərin funksional aktivliyini ləngitmir. Xondroneytral preparatdır, oynaq qığırdaqları xondrositlərinin proteoqlikan sintezinə təsir etmir.
Farmakokinetikası
Meloksikam mədə-bağırsaq traktından yaxşı sorulur ki, bu da preoral qəbul zamanı 89% təşkil edən yüksək biomənimsənilmə göstərir. Uzun müddətli qəbul zamanı tarazlıq 3 – 5 gün ərzində əldə edilir. Meloksikamın maksimum konsentrasiyası 5-6 saat ərzində qan plazmasında tarazlıq vəziyyətinə çatır. Meloksikamın yemək vaxtı peroral qəbulu sorulmanı dəyişmir. Meloksikam qan plazmasının zülalları ilə, ən əsası da albuminlərlə aktiv birləşir (99%). Meloksikam sinovial mayeyə daxil olur, qan plazmasında müəyyən edilən dərman konsentrasiyasının yarısına bərabər konsentrasiyaya çatır. Meloksikam qaraciyərdə intensiv metabolik dəyişikliklərə məruz qalır. Meloksikam əsasən sidik və nəcislə metabolitlər şəklində ifraz edilir.
Pasientlərin ayrı-ayrı qrupları
Böyrək və ya qaraciyər çatışmamazlığı olan şəxslər
Yungül dərəcədən orta dərəcəyədək ifadə olunan qaraciyər çatışmazlığı, həmçinin böyrək çatışmazlığı meloksikamın farmakokinetikasına əhəmiyyətli dərəcədə təsir göstərmir. Uremiya zamanı paylanma həcminin artması sərbəst meloksikamın daha yüksək konsentrasiyasına gətirib çıxara bilər. Odur ki, sutkalıq dozanı 7,5 mq-dan çox artırmaq lazım deyil.

İstifadəsinə göstərişlər
Oynaqların revmatoid və degenerativ xəstəliklərinin gedişi zamanı sümük-oynaq və əzələ ağrıları zamanı iltibahəleyhinə və ağrıkəsici dərman kimi istifadə edilir.
Aşağıdakı revmatoid xəstəliklərin kəskinləşməsi zamanı qısamüddətli müalicədə istifadə edilir:
– revmatoid artrit,
– yuvenil revmatoid artrit,
– ankilozlaşdırıcı spondiloartrit (Bexterev xəstəliyi).

Əks göstərişlər
Meloksikama və ya bu preparatın hər hansı başqa bir komponentinə qarşı allergiya;
Hamiləliyin üçüncü trimestri;
15 yaşdan aşağı şəxslərdə;
Aspirinə (yüksək həssaslıq) və ya digər qeyri-steroid iltihabəlehyinə vasitələrə (QSİƏP) qarşı allergiya;
Aspirinin və ya digər qeyri-steroid iltihabəlehyinə vasitələrin (QSİƏP) qəbul edilməsi zamanı aşağıda təsvir edilən əlamətlərdən birinin baş verməsi:
• nəfəs alarkən fit səsi, döş qəfəsinin sıxılması, təngnəfəslik (astma),
• burunun selikli qişasının şişməsi səbəbindən burunun tutulması (burun polipləri),
• dəridə səpgi (övrə),
• dərinin və ya selikli qişaların qəfil ödemi (məsələn gözlərin ətrafı, üzün, dodaqların) nəfəs almaya mane olan ağız nahiyəsinin və ya boğazın ödemi (angionevrotik ödem):
QSİƏP-dən əvvəlki müalicədən sonra pasientdə aşağıdakı əlamətlərin baş verməsi:
– mədə və ya bağırsaqda qanaxma,
– mədə və ya bağırsağın perforasiyası;
– mədənin və bağırsağın xora xəstəliyi və ya qanaxması diaqnozu;
– mədənin və ya bağırsağın xora xəstəliyi və ya anamnezdə qanaxma (əgər xora xəstəliyi və ya qanaxma ən az iki dəfə müəyyən edilmişsə);
– qaraciyərin ağır pozulmaları;
– dializdə olmayan pasientlərdə ağır böyrək çatışmazlığı;
– son zamanlar baş beyində qanaxma (baş beynin damarlarından qanaxma);
– müxtəlif mənşəli qanaxmalar;
– ağır ürək çatışmazlığı;
– preparatın tərkibində laktoza olduğundan bəzi şəkərlərə qarşı əvvəllər aşkar edilmiş dözümsüzlük.
Xüsusi göstərişlər və ehtiyat tədbirləri
DENKAP qəbuluna başlamazdan əvvəl bunu həkim və ya əczaçı ilə müzakirə etmək zəruridir.
DENKAP kimi dərmanların qəbul edilməsi ürək tutmaları (miokard infarktı) və ya insult riskinin bir qədər artması ilə əlaqəli ola bilər. Dərmanın böyük dozalarda uzun müddət qəbul edilməsi bu riski artırır. Tövsiyyə edilən dozanı aşmaq və müalicə müddətini uzatmaq olmaz.
Ürək-damar patologiyaları və insult keçirən xəstələrdə müalicə üsulunu həkim və ya əczaçı ilə razılaşdırmaq zəruridir. Məsələn, əgər pasiyentin:
– yüksək qan təzyiqi varsa (arterial hipertoniya),
– qanda şəkərin konsentrasiyası yüksəkdirsə (şəkərli diabet),
– qanda xolesterinin konsentrasiyası yüksəkdirsə (hiperxolesterinemiya),
– siqaret çəkirsə.
Ciddi allergiya reaksiyaları olduqda DENKAP dərmanının qəbul edilməsini dayandırmaq lazımdır: dəridə ilk səpgi əlamətləri yarandıqda, yumşaq toxumalar zədələndikdə (selikli qişanın zədələnmələri) və ya allergiyanın başqa hər hansı əlamətlərindən sonra həkimə müraciət edin. Qanaxmanı (qatranabənzər nəcisə səbəb olan) görən kimi və ya mədə bağırsaq traktı yaralandıqda (qarında ağrılara səbəb olan) DENKAP dərmanının qəbulunu dayandırmaq zəruridir.
DENKAP dərmanı kəskin ağrı tutmalarinin müalicəsi zamanı tövsiyyə edilmir.
DENKAP dərmanı infeksiya əlamətlərini (məsələn qızdırmanı) gizlədə bilər. Pasiyentdə infeksiya əlamətlərinə şubhə vardırsa o həkimlə məsləhətləşməlidir.

Aşağıdakı hallarda pasiyentin DENKAP dərmanından istifadə etməsindən əvvəl həkimə və ya əczaçıya müraciət etmək zəruridir:
– xəstə keçmişdə ezofagit, qastrit və ya digər qida həzm sisteminin iltibahı, məsələn xoralı kolit, Kron xəstəliyinə tutulmuşdusa,
– yüksək qan təzyiqi (arterial hipertoniya) vardır,
– ahıl yaşdadır,
– ürəyi, qaraciyəri və ya böyrəkləri xəstədir,
– qanda şəkərin miqdarı yüksəkdir (şəkərli diabet),
– məsələn böyük qan itkisi və ya yanıq, əməliyyatlar və ya az miqdarda maye qəbulu (hipovolemiya) nəticəsində qan dövranının həcmi azalır,
– həkimin müəyyən etdiyi bəzi şəkərlərə dözümsüzlük (bu dərmanda laktozanın olması ilə bağlı ola bilər),
– əvvəllər həkimin müəyyən etdiyi qanda kaliumun yüksək səviyyəsinin olması.

Digər dərman vasitələri ilə qarşılıqlı təsiri
DENKAP- ın başqa qəbul edilən dərmanlara təsir göstərə bilməsi, həmçinin başqa dərmanların DENKAP dərmanına təsir göstərə bilməsi ilə bağlı olaraq pasiyent tərəfindən hazırda və ya son zamanlar qəbul edilən, həmçinin pasiyentin qəbul edilməsini planlaşdırdığı bütün darmanlar haqqında həkimə və ya əczaçıya məlumat verilməlidir.
Əgər pasiyent aşağıdakı dərmanlardan hər hansı birini qəbul edirsə bu barədə həkimə və ya əczaçıya məlumat verilməsi zəruridir:
– digər qeyri-steroid iltihab əleyhinə preparatlar (QSİƏP),
– antikoaqulyantlar,
– qan durulducu preparatlar (trombolitiklər),
– kortikosteroidlər
– orqan transplantasiyasından sonra və ya ağır dəri xəstəlikləri, revmatoid artrit və nefrotik sindrom zamanı tətbiq edilən siklosporin,
-sidikqovucular; pasiyent belə preparatlar qəbul edirsə həkim onun böyrəklərinin funksiyalarına nəzarət edə bilər,
– hipertoniyanın müalicəsi zamanı tətbiq edilən dərmanlar (məsələn beta-blokatorlar),
– litium preparatları,
– Selektiv serotonin geriyə tutması inhibitorları- depressiyanın müalicəsi zamanı tətbiq edilir,
– Metotreksat – yeni törəmələrin və ya nəzarət edilməyən ağır dəri xəstəliklərinin və aktiv revmatoidli artritin müalicəsi zamanı tətbiq edilir,
– Xolestiramin – xolesterinin səviyyəsinin aşağı salınması məqsədilə tətbiq edilir,
– Pasiyent (qadın) spiral kimi tanınan uşaqlıqdaxili kontrasepsiyadan istifadə edirsə.
DENKAP dərmanının qəbulu ilə bağlı şübhələr olduqda həkimlə və ya əczaçı ilə məsləhətləşmək zəruridir.

Hamiləlik və laktasiya dövründə istifadəsi
Əgər pasiyent qadın hamilədirsə və ya süd verirsə, hamilə ola bilmə ehtimalı varsa və ya uşaq dünyaya gətirməyi planlaşdırırsa o, bu dərmanı qəbul etməmişdən əvvəl həkim və ya əczaçı ilə məsləhətləşməlidir.
Hamiləlik
Hamiləlik zamanı DENKAP dərmanı qəbul edilməməlidir. Hamiləliyin son üç ayı ərzində DENKAP preparatını qəbul etmək olmaz, belə ki o, uşağa, xüsusən qan dövranı və tənəffüs sistemlərinə, həmçinin böyrəklərə hətta bir dəfə qəbul edildikdən sonra ciddi təsir göstərə bilər.
Laktasiya dövrü
Uşaq əmizdirən qadınlara DENKAP dərmanı tövsiyə edilmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
DENKAP preparatı qəbul edildikdən sonra görmə qabiliyyəti pozula bilər, yuxululuq, baş gicəllənməsi və ya mərkəzi sinir sisteminin başqa pozuntuları ola bilər. Bu əlamətlər baş verdikdə nəqliyyat vasitələrini idarə etmək, mexaniki avadanlığa xidmət etmək olmaz.

İstifadə qaydası və dozası
Bu dərmanı həmişə pasiyent üçün içlik-vərəqdə təsvir edilən qaydada və ya həkimin və ya əczaçının tövsiyələrinə əsasən qəbul etmək lazımdır. Şübhə olduğu hallarda həkimə və ya əczaçıya müraciət edin.
Dərman peroral qaydada qəbul edilməlidir.
İlk dəfə qəbul etməzdən əvvəl həkimlə məsləhətləşmək lazımdır. Tövsiyə edilən doza – sutkada 1 (bir) tabletdir. DENKAP qida qəbulu ilə eyni zamanda, üstündən su və ya başqa maye qəbul etməklə qəbul edilməlidir.
Dərmanın uşaqlar və yeniyetmələr tərəfindən qəbul edilməsi
DENKAP dərmanını uşaqlar və 15 yaşdan balaca yeniyetmələr qəbul edə bilməzlər.
Əgər pasient hesab edirsə ki, DENKAP dərmanının təsiri çox güclüdür və ya çox zəifdir və ya bir neçə gün sonra heç bir yaxşılaşma baş verməmişdirsə o həkimlə məsləhətləşməlidir.
Müalicə müddəti:həkim məsləhəti olmadan 7 gündən çox qəbul etmək olmaz.

Əlavə təsirləri
Çox tez-tez (10 nəfərdən 1-də)
– həzmin pozulması (dispepsiya),
– ürəkbulanma və qusma,
– qarın nahiyəsində ağrı
– qəbizlik,
– meteorizm,
– maye nəcis (ishal).
Tez-tez (10-100 nəfərdən 1-də)
– başağrısı.
Bəzən (100-1000 nəfərdən 1-də)
– başgicəllənmə
– yuxululuq (süstlük),
– anemiya (qanda hemoqlobinin azalması),
– qan təzyiqinin qalxması (arterial hipertoniya),
– üzün qızarması (üzün və boyunun qızarması),
– natrium və suyun ləngiməsi,
– kalium konsentrasiyasının artması (hiperkaliemiya); bu aşağıda qeyd edilən əlamətlərə gətirib çıxarır:
• ürək ritminin pozulması,
• taxikardiya (ürək döyüntülərinin artması),
• əzələ zəifliyi;
– gəyirmə ,
– qastrit,
– mədə-bağırsaq traktından qanaxma,
– ağız boşluğunun selikli qişasının iltihabı,
– tez-tipli allergik reaksiya (hiperhəssaslıq),
– qaşınma,
– dəridə səpgi,
– mayenin qalması ilə bağlı ödem, o cümlədən topuqların və ya ayaqların ödemi (aşağı ətrafların ödemi),
– dərinin və ya selikli qişanın qəfil ödemi, məsələn gözətrafı, üzün, dodaqların, tənəffüsə maneə törədə biləcək ağız boşluğunun və ya boğazın şişkinliyi (angionevrotik ödem),
– qaraciyər funksiyalarının analizinin nəticələrinin müvəqqəti pozulması (məsələn qaraciyər enzimlərinin – aminotransferazanın aktivliyinin artması və ya öd piqmentinin- bilirubinin konsentrasiyasının artması); həkim qan analizinin köməkliyi ilə bu dəyişiklikləri aşkar edə bilər,
– böyrəklərin funksiyasının laborator yoxlamalarının nəticələrinin pozulması (məsələn kreatinin və ya sidik cövhərinin səviyyəsinin artması).
Nadir (1000-10000 nəfərdən 1-də)
– əhval-ruhiyyənin pozulması,
– gecə qarabasmaları,
– qanın morfologiyasının pozulması, o cümlədən:
• qanın anomal yaxması,
• leykositlərin miqdarının aşağı düşməsi (leykositopeniya),
• trombositlərin sayının azalması (trombositopeniya),
bu əlavə təsirlər yoluxma riskinin artmasına və qançırların və burun qanaxmalarının əmələ gəlməsinə gətirib çıxara bilər;
– qulaqda cingilti (qulaqda səs),
– taxikardiya (ürək döyüntülərinin sayının artması),
– mədənin və onikibarmaq bağırsağın xora xəstəliyi,
– qida borusunun iltihabı,
– astma tutmaları (aspirinə və ya digər QSİƏP-lərə allergiyası olan şəxslərdə),
– dəridə suluqların yaranması və dərinin laylanması (Stivens-Conson sindromu və toksik epidermal nekroliz),
– övrə,
– görmə qabiliyyətinin pozulması, o cümlədən:
• qeyri-dəqiq görmə,
• konyunktivit (göz almasının və ya göz qapaqlarının iltihabı);
– kolit.
Çox nadir (10000 nəfərdən 1-də)
– suluqlar və multiform eriteması şəklində dəri reaksiyaları,
– hepatit, o aşağıdakı əlamətlərə səbəb ola bilər:
• dərinin və göz almalarının saralması (sarılıq),
• qarın nahiyəsində ağrı,
• iştahın pozulması,
– kəskin böyrək çatışmazlığı, xüsusilə ürək xəstəliyi, şəkərli diabet və ya böyrək xəstəliyi kimi risk faktoru olan pasientlərdə,
– bağırsaq divarının perforasiyası.
Baş vermə tezliyi məlum deyildir (mövcud məlumatların əsasən başvermə tezliyini müəyyən etmək mümkün deyil)
– şüur çaşqınlığı,
– istiqamətin itirilməsi,
-təngnəfəslik və dəri reaksiyaları (anafilaktik və ya anafilaktoid şok), günəş işığının təsirinin yaratdığı səpgi (işığa qarşı yüksək həssaslıq reaksiyası),
– QSİƏP ilə müalicə ilə bağlı qeydə alınmış ürək çatışmazlığı,
– müəyyən növ leykositlərin olmaması (aqranulositoz), xüsusilə meloksikamı ilik funksiyasını ləngidə və ya onu dağıda bilən başqa dərmanlarla birlikdə qəbul edən pasiyentlərdə (mielotoksik preparatlar) baş verir. Bu aşağıdakılara səbəb ola bilər:
• qəfil qızdırma,
• boğaz ağrısı,
• infeksiya,
– pankreatit.
Qeyri-steroid iltibah əleyhinə preparatların (QSİƏP) səbəb olduğu, lakin meloksikamın tətbiqindən sonra hələ qeydə alınmamış əlavə təsirlər:
– Kəskin böyrək çatışmazlığı nəticəsində böyrək strukturunda dəyişikliklər:
• çox nadir nefrit halları (interstisial nefrit),
• böyrəklərdə bəzi hüceyrələrin nekrozu (kəskin qlomerulyar nekroz və ya kəskin böyrək papillyar nekroz,
• sidikdə zülalın əmələ gəlməsi (nefrotik sindrom proteinuriya ilə).

Doza həddinin aşılması
– zəiflik (apatiya),
– yuxululuq,
– urəkbulanma və qusma,
– mədə nahiyəsində ağrı.
Bu əlamətlər adətən DENKAP preparatının qəbulu dayandırıldıqdan sonra aradan qalxır. Pasiyentin mədəsində və ya bağırsağında qanaxma ola bilər (mədə-bağırsaq traktının qanaxması).
Ağır zəhərlənmə aşağıdakı ciddi mənfi reaksiyalara səbəb olur:
– qan təzyiqinin artması (hipertoniya),
– kəskin böyrək çatışmazlığı,
– qaraciyər funksiyasının pozulması,
– təngnəfəslik və ya tənəffüsün dayanması (nəfəs alma çətinliyi),
– huşün itirilməsi (koma),
– epileptik tutmalar (qıcolmalar),
– sirkulyator kollaps (ürək-damar kollapsı),
– ürəyin dayanması,
– dərhal allergik reaksiyalar (hiperhəssaslıq), o cümlədən:
• ürəkgetmə,
• təngnəfəslik,
• dəri reaksiyaları.

Buraxılış forması
10 tablet, blisterdə. 1 blister içlik vərəqə ilə birlikdə karton qutuya qablaşdırılır.

Saxlanma şəraiti
25ºС-dən yüksək olmayan temperaturda, işıqdan qorunan və uşaqların əli çatmayan yerdə saxlamaq lazımdır.

Yararlılıq müddəti
4 il.
Yararlılıq müddəti başa çatdıqdan sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
DEVA Holding A.Ş.
Kapaklı/TEKİRDAĞ/TURKEY.

Küçükçekmece-İSTANBUL/TURKEY.
Tel.: + 90 212 692 92 92.
Faks: + 90 212 697 00 24.