TENDEM 250 mq tabletlər
TENDEM
Beynəlxalq patentləşdirilməmiş adı: Terbinafin hidroxlorid
Tərkibi
Təsiredici maddə: 1 tabletin tərkibində 250 mq terbinafinə ekvivalent olan 281,25 mq
terbinafin hidroxlorid vardır.
Köməkçi maddələr: maqnezium stearat, Aerosil 200, hidroksipropilmetilsellüloza,
natrium nişasta-qlikolyat, laktoza monohidrat (inək südündən
alınmış), mikrokristallik sellüloza.
Təsviri
Ağ, yuvarlaq, hamar, bir tərəfində bölünmə xətti olan tabletlərdir.
Farmakoterapevtik qrupu
Göbələk əleyhinə olan dərmanlar qrupu.
ATC kodu: D01BA02.
Farmakoloji xüsusiyyətləri
Farmakodinamikası
Terbinafin göbələkəleyhinə geniş təsir spektri olan allilamindir. Terbinafin aşağı konsentrasiyalarda dermatofitlər, kif və müəyyən dimorfik göbələklərə qarşı funqisid təsirə malikdir. Kif göbələklərinin növündən asılı olaraq funqisid və ya funqistatik təsir göstərir.
Terbinafin spesifik olaraq göbələk sterinlərinin biosintezini ilkin mərhələdə pozur. Bu erqosterol çatışmazlığına və hüceyrə daxilinə skvalenin toplanmasına gətirib çıxarır, bu isə göbələk hüceyrələrinin məhvi ilə nəticələnir. Terbinafin göbələk hüceyrə membranında skvalenepoksidazanı inhibə etməklə təsir göstərir. Skvalenepoksidaza fermenti sitoxrom P450 sistemi ilə metabolizə olunmur. Peroral qəbul zamanı preparat dəridə yüksək konsentrasiyalarda toplanaraq funqisid təsir göstərir.
Farmakokinetikası
Absorbsiyası
Peroral qəbuldan sonra terbinafin yaxşı sorulur (>70%) və terbinafinin terbinafin tabletlərin qəbulundan sonra tam biomənimsənilməsi ilkin metabolizmdən sonra təxminən 50%-dir. Terbinafinin birdəfəlik 250 mq peroral qəbulu zamanı 1,5 saat ərzində 1,30 μg/ml maksimal plazma konsentrasiyası əldə olunur. Stabil qəbul zamanı, birdəfəlik doza ilə müqayisədə, terbinafinin maksimal konsentrasiyası ortalama 25%, plazmada AUC göstəricisi isə 2,3 vahid yüksəlir. AUC göstəricisinin plazmada artması ilə təsiredici yarımparçalanma dövrü təxminən 30 saata qədər çata bilər. Terbinafinin biomənimsənilməsi qida qəbulundan asılıdır (AUC göstəricisinin artması 20%-dən aşağıdır), lakin doza korreksiyasına ehtiyac yoxdur.
Paylanması
Terbinafin plazma zülalları ilə sıx bağlanır. O, sürətlə derma vasitəsilə yayılır və lipofil buynuz qatda toplanır. Terbinafin həmçinin piy vəzilərinə sekresiya olunur, bununlada dəridə, saç follikullarında, saçda, piy toxumasında yüksək konsentrasiyada toplanır. Həmçinin terbinafin ilə müalicə başlandıqdan bir neçə həftə ərzində dırnaq plastinlərinə paylanılması haqqında sübutlar mövcuddur.
Biotransformasiya və eliminasiyası
erbinafin ən azı yeddi CYP izofermenti CYP2C9, CYP1A2, CYP3A4, CYP2C8 və CYP2C19 vasitəsi ilə sürətli və intensiv şəkildə metabolizə olunur. Biotransformasiya nəticəsində göbələkəleyhinə təsiri olmayan metabolitlər, əsasən, sidiklə xaric olunurlar.
Müxtəlif qrup pasiyentlərdə farmakokinetik xüsusiyyətləri
Klinik cəhətdən yaşdan asılı olaraq farmakokinetik xüsusiyyətlərdə dəyişikliklər müşahidə edilmir, lakin böyrək və qaraciyər çatışmazlığı olan pasiyentlərdə eliminasiya sürəti azala bilər, bu isə, öz növbəsində qanda terbinafinin miqdarının yüksəlməsinə gətirib çıxarır.
Böyrək çatışmazlığı (kreatinin klirensi <50 ml/dəq) və ya qaraciyər çatışmazlığı olan pasiyentlərin iştirakı ilə aparılan tədqiqatlarda terbinafin klirensinin 50%-ə qədər azala biləcəyi müəyyən edilmişdir
İstifadəsinə göstərişlər
• Dəri, saç və dırnağın (əl və ayaq) göbələk infeksiyaları.
Bədən, baş, qasıq və pəncənin göbələk xəstəliklərinin müalicəsi.
Onixomikoz
Əks göstərişlər
• TENDEM-ə və ya tərkibindəki hər hansı komponentə qarşı allergiya (hiperhəssaslıq)
• Əvvəllər və ya hal-hazırda qaraciyərlə bağlı ciddi problemləriniz varsa
• Laktasiya dövrü
Xüsusi göstərişlər və ehtiyat tədbirləri
Aşağıdakı hallarda ə TENDEM istifadə edən zaman xüsusi diqqət edin;
• Siz başqa dərmanlardan istifadə edirsiniz.
• Əgər sizdə səbəbi bilinməyən davamlı ürəkbulanma, qusma, qarın nahiyyəsində ağrı, iştahsızlıq, qeyri-adi yorğunluq varsa; istər dərinizdə və ya gözünüzdə, sidiyin rənginin qaralması və ya nəcisin rənginin ağarması (qaraciyər problemlərinin əlaməti) varsa. Həkiminiz qaraciyərinizin funksiylarına nəzarət etmək üçün TENDEM ilə müalicədən əvvəl və sonra vaxtaşırı qan testləri keçirə bilər. Test nəticələrinin qeyri-normal olması halında TENDEM-in qəbulunu dayandıra bilər.
• Dəridə səpgi, qızartı, qabıqlanma; Dodaqlarda, gözlərdə və ya ağızda qovuqcuqlar, dərinin soyulması kimi dəri problemləri, qızdırma (ağır dəri reaksiyalarının mümkün əlaməti) və ya qanda leykositlərin yüksək səviyyəsinə görə dəridə səpgilərin (eozinofiliya) olması kimi problemlərlə qarşılaşdığınız hallarda
• Üz nahiyəsində dərin qırmızımtıl/gümüş rəngli ləkələr (Psoriaz) və ya dəri səpgiləri, oynaq ağrıları, əzələ ağrıları və qızdırma (dəri və sistemli qırmızı qurdeşənəyi) varsa və ya müşahidə edirsinizsə.
• Əgər Siz zəiflik, gözlənilməz qanaxma/qansızma, göyərmə və ya tez-tez təkrarlanan infeksiyalarla (qan hüceyrələrinin azalması və ya disfunksiya ilə əlaqəli ola bilən simptomlar) qarşılaşırsınızsa.
• Əgər Siz başqa dərman qəbul edirsinizsə və ya onu yenicə qəbul etmisinizsə, bu istifadə təlimatında “Digər dərmanlarla birlikdə istifadə” bölməsinə baxın.
Əgər bu xəbərdarlıqlar keçmişdə olsa belə, sizdə baş vermişdirsə, həkiminizlə məsləhətləşin.
Digər dərman vasitələri ilə qarşılıqlı təsiri
• İnfeksion xəstəliklərin müalicəsi üçün istifadə edilən və antibiotiklər adlanan bəzi dərmanlar (məsələn, rifampisin)
• Kofein
• Oral kontraseptivlər (çünki bəzi xəstələrdə menstruasiya pozulmaları və qanaxma ola bilər)
• Əhval-ruhiyyə pozulmalarının müalicəsində istifadə edilən bəzi dərmanlar (trisiklik antidepressanlar, 1A, 1B və 1C sinfi daxil olmaqla selektiv serotoninin geri udulmasının inhibitorları, MAOB inhibitorları, desipramin kimi bəzi antidepressanlar)
• Ürəkdə ritm pozulmalarının müalicəsində istifadə edilən bəzi dərmanlar (propafenon, amiodaron kimi bəzi antiaritmiklər)
• Yüksək qan təzyiqinin müalicəsində istifadə edilən bəzi dərmanlar (metoprolol kimi bəzi beta-blokatorlar)
• Mədə xorasının müalicəsində istifadə edilən bəzi dərmanlar (məsələn, simetidin)
• Göbələk infeksiyalarının müalicəsində istifadə edilən bəzi dərmanlar (məsələn, flukonazol, ketokonazol)
• Öskürəyin müalicəsində istifadə edilən bəzi dərmanlar (məsələn, dekstrometorfan)
• İmmun sistemini tənzimləmək üçün istifadə edilən siklosporin adlanan dərman vasitəsi (orqan nəqlində istifadə olunur)
• Varfarin istifadə edirsinizsə, mütləq həkiminizə məlumat verin.
Hal-hazırda hər hansı bir dərmanlardan istifadə edirsinizsə (reseptli və ya reseptsiz) və ya istifadə etmisinizsə, bu barədə həkiminizə və ya əczaçınıza məlumat verin.
Hamiləlik və laktasiya dövründə istifadəsi
Hamiləlik. Bu dərman preparatını istifadə etməzdən əvvəl həkiminizlə və ya əczaçı ilə məsləhətləşin.
Həkiminiz sizinlə hamiləlik zamanı TENDEM qəbul etməyin potensial risklərini müzakirə edəcək.
Əgər hamiləsinizsə və ya hamilə olduğunuzu düşünürsünüzsə, bunu həkiminizə bildirin.
Əgər həkiminiz tərəfindən xüsusi olaraq tövsiyə edilmirsə, hamiləlik zamanı TENDEM qəbul etməməlisiniz.
Müalicə zamanı hamilə olduğunuzu bildiyiniz halda, həkiminizlə və ya əczaçı ilə məsləhətləşin.
Laktasiya dövrü
Bu dərman preparatını istifadə etməzdən əvvəl həkiminizlə və ya əczaçı ilə məsləhətləşin.
TENDEM tabletlərindən istifadə edərkən körpənizi ana südü ilə qidalandırmamalısınız, Terbinafin ana südünə keçdiyindən körpəniz terbinafinin təsirinə məruz qalacaq. Bu, sizin körpənizə zərər verə bilər
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Əgər TENDEM qəbul edərkən yuxululuq hiss edirsinizsə, nəqliyyat vasitələrinin və digər potensial təhlükəli mexanizmlərin idarəetməsini dayandırmalısınız
İstifadə qaydası və dozası
Həkiminizin göstərişlərinə diqqətlə əməl edin. Tövsiyə olunan dozanı keçməyin. Əgər Sizdə TENDEM-in təsirinin çox güclü və ya zəif olduğuna dair təəssürat yaranarsa, həkiminizi və ya əczaçınızı bu barədə məlumatlandırın.
Böyüklər
Normal doza 1 tablet gündə bir dəfədir. Hər gün eyni vaxtda qəbul etmək dərman qəbulu vaxtının unutmamağa kömək edəcək
TENDEM-in istifadə müddəti inkişaf etməkdə olan infeksiyanın növünə və bədənin hansı nahiyyəsində yerləşməsindən asılıdır. Və buna uyğun olaraq həkiminiz sizə neçə gün istifadə etməli olduğunuzu dəqiq deyəcək.
Normal müalicə müddəti:
Ayağın göbələk infeksiyalarında (atlet ayağı) TENDEM tabletindən 2- 6 həftə
Qasığın göbələk infeksiyalarında TENDEM tabletindən 2-4 həftə.
Bədənin digər hissələrində göbələk infeksiyalarında TENDEM tabletindən 4 həftə ərzində istifadə olunur.
Tabletləri hər gün qəbul edin və həkiminiz sizə bildirdiyi müddət ərzində onu qəbul etməyə davam etməyiniz vacibdir. Bu, infeksiyanın tamamilə sağalmasını təmin edəcək və tabletləri qəbul etməyi dayandırdıqdan sonra infeksiyanın təkrarlanma şansını azaldacaq.
Saçların və baş dərisinin infeksiyaları
Saçların və baş dərisinin göbələk (dermatomikoz) infeksiyaları üçün normal müalicə kursu 4 həftədir.
Dırnaq infeksiyaları
Dırnaq infeksiyalarının müalicəsi adətən 6 həftə – 3 ay arasında davam edir, lakin ayaq dırnaqları infeksiyası olan bəzi xəstələrin 6 ay və ya daha uzun müddətə müalicəyə ehtiyacı ola bilər.
Dırnaq böyüməsi qeyri-kafi olan bəzi xəstələr daha uzun müalicə tələb edə bilər. Həkiminiz bunu sizinlə müzakirə edəcək
TENDEM tablet yalnız peroral olaraq istifadə olunur. TENDEM tabletini qida ilə birlikdə və ya acqarına qəbul edə bilərsiniz. Tabletləri bir stəkan su ilə qəbul etmək lazımdır.
Göbələk infeksiyasını tam sağaltmaq və residivlərin qarşısını almaq üçün bəzi ehtiyat tədbirləri nəzərə almaq lazımdır. Məsələn, infeksiyaya yoluxmuş sahələri quru və sərin saxlayamaq, infeksiyaya yoluxmuş sahələr ilə birbaşa təmasda olan paltarları hər gün dəyişə bilərsiniz.
Fərqli yaş qrupları:
Uşaqlarda və yeniyetmələrdə istifadəsi:
Uşaqlarda və yeniyetmələrdə istifadəsi tövsiyə edilmir.
Yaşlılarda (65 yaş və yuxarı) istifadəsi:
Əgər yaşınız 65 və ya daha yuxarıdırsa, TENDEM-i gənc yetkinlər ilə eyni dozada qəbul edə bilərsiniz. Bu yaş qrupunda olan xəstələr də ola biləcək qaraciyər və ya böyrək çatışmazlığı qiymətləndirilməlidir. TENDEM-i 65 və ya daha yuxarı yaş qrupuna təyin edərkən, əvvəllər mövcud olmuş qaraciyər və ya böyrək disfunksiyalarını nəzərə almaq lazımdır
İstifadə üçün xüsusi şərtlər:
Böyrək/qaraciyər çatışmazlığı:
Əgər keçmişdə qaraciyər ilə bağlı problemləriniz olmuşdursa və ya hazırda mövcuddursa, TENDEM istifadə edilməməlisiniz.
Böyrək çatışmazlığı olan xəstələrdə TENDEM tabletlərinin istifadəsi adekvat şəkildə öyrənilməmişdir; buna görə də böyrək çatışmazlığı olan xəstələrdə istifadəsi tövsiyə edilmir.
TENDEM-dən istifadə etməyi unutmusunuzsa
Əgər TENDEM tabletini öz vaxtında qəbul etməyi unutmusunuzsa, xatırladığınız zaman tableti qəbul edin. Növbəti qəbulu öz vaxtında yerinə yetirin, sonra bütün tabletləri bitirənə qədər normal rejimdə davam edin. Həkiminiz preparatın qəbulunu dayandırmağı demədiyi zamana qədər təyin olunan sayda qəbul etmək lazımdır.
Unudulmuş bir dozanın əvəzinə ikiqat doza tətbiq etməyin.
TENDEM-in qəbulunun dayandırılması zamanı baş verə biləcək hallar
TENDEM-lə müalicənin dayandırılması xəstəliyin ağırlaşmasına səbəb ola bilər. Həkiminiz tərəfindən digər bir müalicə tövsiyə edilmədiyi halda, müalicəni dayandırmamalısınız.
Həkiminiz başqa cür tövsiyə etməyibsə, bu təlimatlara əməl edin.
Əgər sizdə TENDEM-in təsirinin çox güclü və ya çox zəif olduğuna dair təəssürat yaranarsa, həkiminiz və ya əczaçınızı məlumatlandırın.
Əlavə təsirləri
TENDEM-in bəzi inqrediyentləri haqqında vacib məlumat
TENDEM tərkibində laktoza monohidrat var. Əgər əvvəllər həkiminiz bəzi şəkərlərə qarşı dözümsüzlüyünüzü bildiribsə, bu dərmanı qəbul etməzdən əvvəl həkiminizlə məsləhətləşməlisiniz.
Bütün dərmanlarda olduğu kimi, TENDEM-in istifadəsi zamanı tərkibindəki hər hansı maddələrə həssas olan insanlarda əlavə təsirlər ola bilər.
Əlavə təsirlərin tezliyi aşağıdakı parametrlərlə təyin edilir:
çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 – < 1/100); nadir hallarda (≥1/10000 – < 1/1000); çox nadir hallarda (<1/10000); məlum deyil (əldə olan məlumatlar görə tezliyi qiymətləndirmək mümkün deyil).
TENDEM-in istifadəsi zamanı aşağıdakı əlavə təsirlər baş verə bilər:
Aşağıdakılardan hər hansı biri baş verərsə, TENDEM-i qəbul etməyi dayandırın və DƏRHAL həkiminizə məlumat verin və ya ən yaxın xəstəxananın təcili yardım şöbəsinə müraciət edin:
• TENDEM nadir hallarda qaraciyər problemlərinə səbəb ola bilər və bu problemlər çox nadir hallarda ciddi ola bilər.
• Çox nadir hallara bəzi qan hüceyrələrində azalma, qırmızı qurd eşənəyi xəstəliyi (orqanizmin immun sistemi ilə bağlı vəziyyət) və ya ağır allergik reaksiyalar daxil olmaqla ciddi dəri reaksiyaları daxildir.
• Damarların iltihabı, mədəaltı vəzinin iltihabı və ya əzələ hüceyrələrinin nekrozu.
Bütün bunlar çox ciddi əlavə təsirlərdir.
Əgər bunlardan biri Sizdə varsa, TENDEM-ə qarşı ciddi allergiyanız var deməkdir. Təcili tibbi müdaxiləyə və ya xəstəxanaya yerləşdirilməyə ehtiyacınız ola bilər. Bütün bu çox ciddi əlavə təsirlər çox nadir hallarda müşahidə olunur.
Aşağıdakılardan əlamətlərdən hər hansı birini gördüyünüz halda, dərhal həkiminizə məlumat verin və ya ən yaxın xəstəxananın təcili yardım şöbəsinə müraciət edin :
• Dərinin və ya gözlərin saralması; sidiyin rənginin qaralması və ya nəcisin rənginin solğun olması (bu əlamət qaraciyər problemlərinin göstəricisi ola bilər),
• Dərinin və ya gözlərin saralması. Qeyri-adi tünd sidik və ya nəcisin rənginin solğun olması səbəbi bilinməyən davamlı ürəkbulanma, mədə problemləri, iştahsızlıq və ya qeyri-adi yorğunluq və ya zəiflik (bu, əlamət qaraciyər problemlərinin göstəricisi ola bilər), qan analizi zamanı qaraciyər fermentlərinin artması
• Səpgilər, işığa həssaslıq, qabarcıq və ya qaşınma da daxil olmaqla ağır dəri reaksiyaları
• Zəiflik, qeyri-adi qansızma, göyərmə, anormal solğun dəri, qeyri-adi yorğunluq və ya əzginlik və ya davamlı olaraq infeksion xəstəliklərə yoluxma hesabına nəfəs darlığım (bu əlamət qan xəstəliklərinin əlaməti ola bilər)
• Nəfəs almaqda çətinlik, başgicəllənmə, əsasən üzün və boğazın şişməsi, qızartı, qarın ağrısı və huşun itirilməsi, oynaqlarda ağrı, sərtlik, səpgilər, qızdırma və ya şişmiş/böyümüş limfa düyünləri (ağır allergik reaksiyaların mümkün əlamətləri) kimi simptomlar
• Dəri səpgiləri, qızdırma, qaşınma, yorğunluq və ya dəri səthinin altında bənövşəyi ləkələrin görünməsi (qan damarlarının iltihabının əlamətləri)
• Mədənin yuxarı hissəsində arxaya yayılan şiddətli ağrı (mədəaltı vəzinin iltihabının mümkün əlamətləri)
• Səbəbi bilinməyən əzələ zəifliyi və ya ağrısı və ya sidiyin tündləşməsi (qırmızı-qəhvəyi) (əzələ nekrozunun mümkün əlamətləri)
Bütün bu əlamətlər ciddi əlavə təsirlərdir.Təcili tibbi yardım tələb oluna bilər
Çox tez tez
• Ürəkbulanma
• İshal
• Qarında köp və ya köpmə hissi (toxluq hissi)
• İştahsızlıq, ağrı, həzmin pozulması kimi mədə problemləri
• Qaşınma, səpgi və ya şişkinlik
• Oynaq və əzələ ağrıları
Tez-tez
• Baş ağrısı
Bəzən:
• Dad bilmənin itirilməsi daxil olmaqla dad pozğunluqları (adətən dərman qəbulu dayandırıldıqdan sonra bir neçə həftə ərzində yaxşılaşır)
• Çəki itirilməsi (dad pozğunluqlarına görə).
Nadir hallarda
• Zəiflik, başgicəllənmə,
• Keyimə və ya uyuşma, həssaslığın azalması,
• Qaraciyər funksiyalarında ağır pozulmalar, o cümlədən qaraciyər çatışmazlığı, qaraciyər fermentlərinin artması, sarılıq, xolestaz və hepatit. Qaraciyər disfunksiyası inkişaf edərsə, TENDEM ilə müalicə dayandırılmalıdır. Çox nadir hallarda ağır qaraciyər çatışmazlığı halları müşahidə olunmuşdur (bəziləri ölümlə nəticələnən və ya qaraciyər transplantasiyası tələb olunur). Qaraciyər çatışmazlığı əksər hallarda xəstələrdə ciddi sistem pozulmalarına səbəb olur və terbinafinin qəbulu ilə əlaqəsi qeyri-müəyyəndir.
Çox nadir
• Bəzi qan hüceyrələrinin azalması (tez-tez qansızma və ya göyərmə və ya infeksion xəstəliklərə asanlıqla yoluxma və bu proses həmişə olduğundan daha ağır ola bilər)
• Qırmızı qurd eşənəyi adlanan xəstəliyin başlanğıcı və ya pisləşməsi (dəri səpgiləri, əzələ və oynaqlarda ağrı da daxil olmaqla simptomlarla müşayiət olunan xroniki xəstəlik)
• Qırmızı qurd eşənəyi (immun sisteminin xəstəliyi)
• Vertiqo
• Allergik reaksiyalar
• Müxtəlif həyati təhlükə yaradan vəziyyətlər (məsələn, Stivens-Conson sindromu, toksiki epidermal nekroliz, multiformalı eritema); Adətən narkotik dərman istifadəsi nəticəsində səpgi, qızartı, qabarcıqlar, dərinin soyulması, iltihabi sızanaq kimi sızanaqlar kimi müxtəlif dəri təzahürləri də daxil olmaqla səpgi, qabarcıq, qızartı, dəri soyulması ilə xarakterizə olunan dəri xəstəlikləri (toksiki dəri səpgisi, eksfoliativ dermatit, bullez dermatit)
• Fotohəssaslıq ((işıq/ışığa həssaslıq nəticəsində səpgi, qızartı və ekzemaya bənzər xəstəliklər) (məsələn, fotodermatoz, fotohəssaslıq allergik reaksiyası, polimorfik işıq səpgiləri)
• Saç tökülməsi
Məlum deyil
• Qan hüceyrələrinin azalması əlamətləri: zəiflik, qeyri-adi qansızma, göyərmə və ya tez-tez infeksiyalara yoluxma
• Depressiv simptomlar və narahatlıq
• Zərdab xəstəliyinə bənzər reaksiya (zərdab, penisilin kimi müəyyən dərmanların qəbulundan bir neçə gün sonra baş verə biləcək səpgi, oynaqlarda ağrı, qızdırma ilə müşayiət olunan yüksək həssaslıq)
• Psoriaza bənzər səpgilər və ya psoriaz xəstəliyinin ağırlaşması
• Ciddi dəri reaksiyaları (məsələn, kəskin generalizə olunmuş ekzantematoz püstullez (AGEP))
• Narahatlıq, özünü pis hiss etmə, yüksək hərarət, qanda eozinofillərin yüksəlməsi də daxil olmaqla, dərman istifadəsi nəticəsində yaranan səpgilər
• Əzələ toxumasının zədələnməsi
• Şiddətli allergik reaksiyalar
• Damarların iltihabı
• Qoxu hissinin azalması
• Eşitmənin zəifləməsi, pisləşməsi, qulaqda cingilti
• Görmə pozulmaları, bulanıq görmə, görmə itiliyinin azalması
• Mədəaltı vəzinin iltihabı
• Qripə bənzər simptomlar (məsələn, yorğunluq, titrəmə, qızdırma, boğaz ağrısı, oynaq və ya əzələ ağrısı)
• Qanda əzələ fermentinin miqdarının artması (kreatin fosfokinaza)
• Qoxu hisinin daimi pozulmaları.
Əlavə təsirlərin bildirilməsi
İçlikdə qeyd olunan və ya qeyd olunmayan hər hansı əlavə təsirlər baş verərsə, həkiminiz və ya əczaçınızı məlumatlandırın. Baş verən əlavə təsirləri bildirməklə, istifadə etdiyiniz dərman haqqında daha geniş məlumat toplamağa səbəb olacaqsınız.
Doza həddinin aşılması
Əgər TENDEM-I lazım olunandan çox istifadə etmisinizsə:
Əgər siz TENDEM-i lazım olunandan çox istifadə etmisinizsə, həkiminiz və ya əczaçınızı məlumatlandırın
Lazım olunandan artıq qəbul etsəniz, bu sizin üçün təhlükəli ola bilər. Əgər siz eyni zamanda çox sayda TENDEM qəbul etmisinizsə, ən qısa müddətdə həkiminizi məlumatlandırın və ya xəstəxananın təcili yardım şöbəsinə müraciət edin. Dərman paketini özünüzlə aparın ki, həkimlər hansı preparatı qəbul etdiyinizi bilsinlər
Buraxılış forması
7 tablet, blisterdə. 2 blister, içlik vərəqi ilə birlikdə karton qutuda qablaşdırılır.
Saxlanma şəraiti
25ºС temperaturdan aşağı, işıqdan qorumaqla və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/Qeydiyyat vəsiqəsinin sahibi
“Recordati İlaç San. ve Tic. A.Ş.”, Türkiyə.
Ç.O.S.B. Karaağaç Mah. Atatürk Cad.
No: 36 Kapaklı/TEKİRDAĞ.
Məhsulun və əmtəə nişanının sahibi
“Ornado Medicine LLP”, Böyük Britaniya.
Company № OC386612 UK, London, 43 Bedford Street, Officce 11.